Ацаніць патэнцыял раёна можна было на пляцоўцы раённага Цэнтра дзіцячай творчасці, дзе прайшло выязное пасяджэнне прэзідыума Мсціслаўскага райсавета дэпутатаў з удзелам прадстаўнікоў кіраўніцтва райвыканкама. На выставе былі прадстаўлены праекты і ініцыятывы, якія рэалізоўваюцца на тэрыторыі раёна ўстановамі адукацыі, культуры і турызму. І вельмі ярка ў іх прадстаўлена тэма малой радзімы, яднання і патрыятызму. Акцэнт зроблены на традыцыі і народнасць.
— Наша сумесная работа з установамі і арганізацыямі яшчэ раз паказала, наколькі лёс малой радзімы важны для нашых жыхароў, — падкрэсліла падчас пасяджэння старшыня Мсціслаўскага райсавета дэпутатаў Алена Клеянкова.
Намеснік старшыні Мсціслаўскага райвыканкама Вольга Судзілоўская адзначыла, што гэта якраз і з'яўляецца асновай канцэпцыі стратэгіі ўстойлівага развіцця Мсціслаўскага раёна да 2035 года.
— Усе намаганні людзей, суб'ектаў гаспадарання і ўсіх структур павінны быць аб'яднаныя на карысць мэты зрабіць наш край зручным для жыцця, — канстатавала яна. — У будучым мы бачым раён экалагічна здаровым рэгіёнам міжсектарнага супрацоўніцтва і ўстойлівага турызму.
Агульная канцэпцыя ўстойлівага развіцця раёна супадае з лакальнай канцэпцыяй устойлівага развіцця Ходасаўскага сельсавета, пра што на пасяджэнні паведаміў дэпутат сельсавета, дырэктар Ходасаўскай школы Сяргей Фядосаў.
— Стратэгія, якой сёння мы прытрымліваемся ў развіцці нашага сельсавета, ажыццяўляецца на аснове сумесных ініцыятыў, накіраваных на паляпшэнне якасці жыцця ў вёсцы, — рэзюмаваў ён. — Удзел у яе рэалізацыі бяруць і педагогі, і навучэнцы нашай школы. Ідэй ад насельніцтва паступае заўсёды шмат. І мы іх паступова рэалізоўваем, каб зрабіць наша агульнае жыццё больш камфортным і цікавым.
Нэлі ЗІГУЛЯ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
