Большасць жанчын думаюць, што ўсе мужчыны непераможныя, нястрымныя. Але гэта не так. Мужчынская псіхіка таксама моцна адчувае эмацыйны боль. А часам нават больш успрымальная да яе, чым жаночая. Мужчыны таксама пачуццёвыя і ранімыя. Iм нельга прызнавацца ў сваіх слабасцях. І ад гэтага яны больш уразлівыя. Мужчынская псіхіка таксама патрабуе цяпла, кахання і клопату. Вось крызісы, з якімі сутыкаецца мужчына, каб стаць яшчэ мацнейшым.
У асноўным жанчыны праходзяць толькі праз два пераломныя перыяды. Гэта крызіс 30-годдзя — пераход ад юнацтва да ранняй сталасці і 50-годдзя — уваходжанне ў познюю сталасць. Мужчыны ж, ледзь выйшаўшы з падлеткавага ўзросту, сутыкаюцца з крызісамі кожныя дзесяць гадоў. У 20 — з крызісам выбару, у 30 — крызісам матывацыі, у 40 — дасягненняў, у 50 — рознагалоссі паміж чаканнем і вынікам, у 60 — у прызнанні, у 70 — падвядзенні вынікаў і перадачы досведу, у 80 — сваёй патрэбнасці.
Крызіс 30 гадоў — адзін з найважнейшых перыядаў самавызначэння, поўнай пераацэнкі каштоўнасцяў і перагляду свайго жыцця. Гэта свайго роду пераходны перыяд развіцця з аднаго этапу на іншы. Яшчэ яго называюць крызісам расчаравання. Часцей за ўсё ён суправаджаецца вялікай колькасцю пытанняў: як быць, куды ісці, што рабіць і хто я на самой справе.
Да 30 гадоў у асноўным мужчыны ўжо дарослымі вачамі глядзяць на жыццё, робяць новыя высновы і пачынаюць пераасэнсоўваць сябе. Часцей за ўсё, трапляючы ў такі крызіс, мужчына выяўляе, што незадаволены тым, што ў яго ёсць, і, адпаведна, пачынае пошук рашэнняў, напрамкаў, выбар новай прафесіі, сферы дзейнасці. Яму здаецца, што многія магчымасці і мары юнацтва ўпушчаны. Калі мужчына не перажыве гэты крызіс карэктна, то з большай сілай ён адновіцца ў наступны крызісны перыяд, які надыходзіць бліжэй да 40 гадоў.
Крызіс — шлях да росту! Усё, што нас не забівае, гартуе, робіць яшчэ больш мацнейшымі.
Крызісам сярэдняга ўзросту называюць стан вострай нездаволенасці жыццём, з якім сутыкаюцца мужчыны ў 40-60 гадоў. Яго суправаджае няўпэўненасць у сабе, шкадаванні аб зробленым выбары, а таксама думкі аб надыходзячай смерці. Такі крызіс адчуваюць ад чвэрці і да паловы людзей, старэйшых за 50 гадоў. У мужчын гэты крызіс праяўляецца зменамі ў эмоцыях і паводзінах. Узнікаюць думкі аб уласнай неплацежаздольнасці, страх надыходзячай старасці, нянавісць да штодзённай руціны. Многія мужчыны гавораць аб адчуванні «загнанасці ў кут», жаданні ўсё змяніць, «перавярнуць уверх дном».
Як зразумець, што ў каханага крызіс? Асноўныя прыкметы:
Выслухайце. Імкніцеся зразумець, што стаіць за яго словамі. Магчыма, праз грубасць ці крыўдныя словы ён хоча паказаць, што яму патрэбны падтрымка і разуменне. Дайце яму магчымасць зразумець сябе і свае думкі, пакуль ён не зможа іх вам растлумачыць. На жаль, не ўсе мужчыны могуць распазнаць свае пачуцці.
Нагадайце яму ў дэталях аб яго дасягненнях — гэта пойдзе на карысць чалавеку, які неўзаметку для сябе абясцэньвае ўсё, чаго дамогся. Мабыць, гэта найважнейшы пункт. Вашы словы дапамогуць вярнуць яму веру ў свае здольнасці.
Дайце яму час і прастору разабрацца ў сваіх пачуццях.
Займіцеся сабой. Засяродзьцеся на ўласных зменах, а не на яго.
Пачынаючы з 30 гадоў узровень тэстастэрону ў мужчын зніжаецца прыкладна на 1-2% у год. Яны гэта адчуваюць, і гэта таксама для іх крызіс.
Як дапамагчы самому сабе на выхадзе з крызісу?
Прычыны мужчынскіх крызісаў:
Важна сачыць, каб свет не ўспрымаўся вамі як чорна-белы. У крызісе, як мы памятаем, у нашай псіхікі ёсць моцная спакуса ўсё спрашчаць: калі не добрая, то дрэнная, калі нейкія людзі робяць не так, як трэба, то яны здраднікі і г. д. Нас штурхае да гіперабагульненняў, таму ва ўсіх фазах, трэба памятаць, што ўсё нашмат складаней, чым здаецца. Памятайце, што моцны крызіс робіць яшчэ мацней, а слабых ламае.
Псіхолаг Алена ШАЎЧЭНКА
Фота: pexels.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
