Здольнасці мозгу вызначаюцца не толькі генетыкай і ментальнымі нагрузкамі, але і харчаваннем. Не ўсе прадукты, якія прысутнічаюць у нашым рацыёне карысныя для мозгу. Жадаеце павялічыць свой патэнцыял, развіць добрую памяць і канцэнтрацыю ўвагі, пачынайце правільна харчавацца. Як стымуляваць гэтыя здольнасці з дапамогай прадуктаў і якой ежы аддаваць перавагу, вы даведаецеся ў гэтым артыкуле.
Навукоўцы лічаць, што зялёны чай павялічвае кароткатэрміновую сінаптычную пластычнасць галаўнога мозгу. Таксама ў складзе чаю прысутнічае кафеін, якія заражае чалавека бадзёрасцю і актывізуе разумовыя здольнасці. Пастаяннае спажыванне зялёнага чаю спрыяе паляпшэнню памяці і павышэнню здольнасці да канцэнтрацыі.
Какава змяшчае рэчывы, якія паляпшаюць памяць і стымулююць працу галаўнога мозгу, а таксама нармалізуюць у крыві ўзровень халестэрыну. Какава прызнаны лідэрам па змесце многіх карысных мікраэлементаў.
Ліставая зеляніна, такая як капуста, шпінат і брокалі, багатая карыснымі для мозгу пажыўнымі рэчывамі. Гэта вітамін К, лютэін, фоліевая кіслата і бэта-каратын. Даследаванні навукоўцаў паказваюць, што гэтыя раслінныя прадукты запавольваюць зніжэнне кагнітыўных здольнасцяў. Гэтыя прадукты спрыяюць захаванню маладосці галоўнага мозгу і падтрымлівае яго здароўе доўгія гады.
Курага, разынкі, чарнасліў, інжыр, фінікі і іншая сушаная садавіна і ягады зніжаюць узровень «дрэннага» халестэрыну ў крыві, чысцяць сасуды галаўнога мозгу ад халестэрынавых бляшак, паляпшаюць памяць і канцэнтрацыю ўвагі, дапамагаюць захаваць добрую каардынацыю.
Цёмны шакалад утрымлівае асаблівы склад антыаксідантаў — флаваноіды. Яны ўмацоўваюць участкі мозгу, адказныя за памяць і навучанне. Рэгулярнае ўжыванне цёмнага шакаладу здольна прадухіліць такія дэгенератыўныя захворванні, як хвароба Альцгеймера і дэменцыя.
Бананы ўтрымліваюць трыптафан, які дапамагае выпрацоўцы сератаніну, гармону шчасця. Таксама, багатая крыніца вітаміна B6 у бананах дапамагае паменшыць узровень стрэсу. А мозг, у сваю чаргу, можа павысіць наш настрой, калі мы атрымліваем новыя веды і вырашаем задачы.
Злакі. Авёс, пшаніца, грэчка, ячмень, дзікі рыс — усе гэтыя купы пры штодзённым ужытку паскараюць кровазварот, што спрыяе насычэнню мозга кіслародам. Акрамя таго, цэльназернавыя ўтрымоўваюць у сваім складзе фоліевую кіслату і вітамін B6, якія проста неабходна для здаровага функцыянавання галаўнога мозгу.
Вітаміны для паляпшэння працы мозгу і памяці:
Пятрушка. Адным з найважнейшых кампанентаў гэтай расліны з’яўляецца вітамін К, вітамін, які жыццёва неабходны нашаму арганізму, і пра які часта забываюць.
Рамонак. Дапамагае пры нервовых перагрузках стомленасці і бессані. Лічыцца таксама, што, калі рэгулярна піць гарбату і настоі з рамонка, гэта станоўча адаб’ецца на памяці, якасці сну і працаздольнасці.
Гваздзік. Забяспечвае стрэсаўстойлівасць. Эфірныя маслы, якія знаходзяцца ў гваздзіку, спрыяюць паслабленню цягліцавай напругі і паляпшэнню псіхалагічнага стану. Комплекс вітамінаў B, якія ўваходзяць у склад бутонаў гваздзіковага дрэва, здымае стрэс, напругу, паляпшае памяць, стымулюе працу мозгу.
Часнок. Пры ўжыванні аказвае ўздзеянне на сасуды мозгу, здымаюцца спазмы і ішэмія. Пры штодзённым ужыванні часныку рызыка развіцця атрафічных і дэгенератыўных захворванняў значна зніжаецца.
Куркума неабходна для абнаўлення клетак мозгу. І гэта вельмі карыснае ўздзеянне! Сучасныя даследаванні даказваюць, што куркумін узмацняе сувязі паміж нейронамі, стымулюе разумовую дзейнасць, паскарае абнаўленне клетак мозгу, а таксама павышае ўзровень сератаніна і дафаміна, якія напрамую ўплываюць на добры настрой.
Акрамя таго, працу мозга дапамагае палепшыць свежае паветра, прагулкі, фізічныя нагрузкі і паўнавартасны сон выдатна актывізуюць кровазварот мозгу, насычаюць яго кіслародам і паляпшаюць тонус сасудаў.
Псіхолаг Алена ШАЎЧЭНКА
Фота: pexels.com
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.