Кіраўнік дзяржавы Аляксандр Лукашэнка падпісаў закон «Аб змяненні Крымінальна-працэсуальнага кодэкса Рэспублікі Беларусь». Дакумент накіраваны на забеспячэнне няўхільнасці адказнасці за генацыд, іншыя цяжкія злачынствы і аднаўленне гістарычнай справядлівасці, паведамілі ў прэс-службе Прэзідэнта.
Законам прадугледжваецца недапушчальнасць адмовы ва ўзбуджэнні крымінальнай справы і спынення вытворчасці ў дачыненні да памерлых асоб, якія ўчынілі не маючыя тэрміну даўнасці злачынствы супраць міру і бяспекі чалавецтва, уключаючы генацыд, а таксама ваенныя злачынствы.
Прадстаўнікамі названых асоб змогуць выступаць іх блізкія сваякі. Пры гэтым адмова такіх сваякоў ад удзелу ў працэсе не будзе з’яўляцца перашкодай для расследавання справы і судовага разбору.
Вытворчасць па дадзенай катэгорыі спраў будзе ажыццяўляцца па агульных правілах з абавязковым удзелам абаронцы.
Пры даказанасці віны памерлай асобы прадугледжваецца вынясенне ў дачыненні да яе абвінаваўчага прысуду без прызначэння пакарання.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
