12 студзеня 2022 г. у Мінску ў Рэспубліканскім інстытуце кітаязнаўства імя Канфуцыя пройдзе міжнародная навукова-практычная канферэнцыя «Тры десяцігоддзі беларуска-кітайскіх адносін і стварэнне супольнасці адзінага лёсу чалавецтва».
Арганізатары праекта — Беларускі дзяржаўны ўніверсітэт, Пасольства Кітайскай Народнай Рэспублікі ў Рэспубліцы Беларусь, Таварыства дружбы «Беларусь — Кітай».
Мяркуецца, што прымуць удзел у канферэнцыі і выступяць з прывітальнымі словамі Першы намеснік Прэм’ер-міністра Рэспублікі Беларусь, сустаршыня Беларуска-Кітайскага міжурадавага камітэта па супрацоўніцтву, Надзвычайны і Паўнамоцны Пасол Рэспублікі Беларусь у КНР у 2020 г. Мікалай СНАПКОЎ, Надзвычайны і Паўнамоцны Пасол Кітайскай Народнай Рэспублікі ў Рэспубліцы Беларусь СЕ СЯОЮН, Міністр замежных спраў Рэспублікі Беларусь Уладзімір МАКЕЙ, рэктар Беларускага дзяржаўнага ўніверсітэта Андрэй КАРОЛЬ, старшыня Прэзідыума Беларускага таварыства дружбы і культурных сувязяў з замежнымі краінамі Ніна ІВАНОВА.
На канферэнцыі будуць абмеркаваны этапы і вынікі развіцця беларуска-кітайскіх адносін у палітычнай сферы, усталяванне і развіццё навукова-тэхнічнага супрацоўніцтва Беларусі і Кітая, гісторыя развіцця крэдытна-інвестыцыйнага супрацоўніцтва Беларусі і Кітая і іншыя актуаліі беларуска-кітайскага супрацоўніцтва ў апошнія дзесяцігоддзі.
Раман СЭРВАЧ
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.