Службай занятасці арганізавана набыццё практычнага вопыту для беспрацоўных. Так, толькі за першыя два месяцы 2021 года атрымалі такую магчымасць 77 чалавек.
Паслугай скарысталіся 28 беспрацоўных у Гомельскай вобласці, па 13 — у Брэсцкай і Гродзенскай абласцях, 9 — у Віцебскай, 7 — у Магілёўскай, у Мінскай вобласці — 3, а ў сталіцы — 4.
Для набыцця вопыту практычнай работы па атрыманай прафесіі (спецыяльнасці) накіроўваюцца беспрацоўныя, зарэгістраваныя ў службе занятасці, з ліку выпускнікоў устаноў адукацыі, якія атрымалі прафесійна-тэхнічную, сярэднюю спецыяльную і вышэйшую адукацыю; асобы, якія прайшлі прафесійную падрыхтоўку ці перападрыхтоўку па накіраванні службы занятасці, і людзі, якія доўгі час (больш за 12 месяцаў) не працавалі ў сувязі з доглядам дзіцяці ва ўзросце да 3 гадоў, дзіцяці-інваліда ва ўзросце да 18 гадоў, а таксама дзіцяці ва ўзросце да 18 гадоў, інфіцыраванага вірусам імунадэфіцыту чалавека ці хворага на СНІД.
З беспрацоўным заключаецца тэрміновы працоўны дагавор на перыяд ад 2 да 6 месяцаў.
Наймальнікам, якія даюць працоўныя месцы для працаўладкавання беспрацоўных з мэтай набыцця вопыту практычнай работы, службай занятасці часткова кампенсуюцца затраты на аплату іх працы.
Наталля ТАЛІВІНСКАЯ
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
