У Баранавічах п'яны мужчына кіем збіў інваліда і яго састарэлую маці

Здарэнне адбылося ўвечары 21 верасня, калі 56-гадовы мясцовы жыхар вяртаўся дадому. На падыходзе да свайго падворку мужчына сустрэў п’янага незнаёмага, які без тлумачэнняў ударыў яго па твары, пасля чаго адабраў кій і пачаў ім збіваць ўладальніка, паведамляе МУС.

У ведамстве распавялі, што пацярпелы з'яўляецца інвалідам, яму цяжка самастойна перасоўвацца. Але ён здолеў зайсці ў свой двор.

Тое, што адбывалася, убачыла яго састарэлая маці, якая адразу ж выйшла з хаты. У адказ на просьбу супакоіцца невядомы ўзяў кій і ўдарыў старую. Пасля гэтага ён уцёк, а пацярпелыя выклікалі міліцыю.

Па прыкметах яго знайшлі непадалёк ад месца здарэння. Гэта быў 33-гадовы жыхар Баранавічаў, які раней прыцягваўся да крымінальнай адказнасці за незаконны абарот наркотыкаў.

Заведзена крымінальная справа.

Прэв’ю: kaluga24.tv