22 кастрычніка, чацвер

Вы тут

«Музей» Уладзіміра Высоцкага адкрыўся ў Капыльскім раёне


Яго адкрылі ў вёсцы Вялешына Капыльскага раёна. Арганізавала ўсё траюрадная цётка паэта і акцёра, творчасць якога мае прыхільнікаў у розных пакаленнях і краінах.


relax.fm

Як кажа Надзея Высоцкая (яна працуе мастацтвазнаўцам і з'яўляецца прафесарам універсітэта) — гэта не музей, а проста гасціны дом 1917 года, дзе ёй удалося арганізаваць тры экспазіцыі, адна з якіх якраз прысвечана жыццю і творчасці Уладзіміра Высоцкага. Сюды можна будзе патрапіць бясплатна, але па папярэдняй дамоўленасці з гаспадыняй.

— У гэтай хаце я сабрала экспанаты ў некалькіх экспазіцыях. У сенцах можна азнаёміцца з народным мастацтвам нашай мясцовасці. У наступным пакоі знайшоў адлюстраванне перыяд 1917-га — 1920-х гадоў у кантэксце беларуска-амерыканскіх узаемаадносін (бо мясцовыя жыхары тады ездзілі ў Амерыку) — там змешчаныя фотаздымкі таго часу, зробленыя ў Нью-Ёрку, а таксама побытавыя рэчы. А потым зала, якая называецца «Высоцкі і яго эпоха», дзе сабраны артэфакты, звязаныя з Уладзімірам Сямёнавічам, — пласцінкі, плёнкі, больш за 20 альбомаў фатаграфій, забытыя вершы, вялікая шафа кніг самвыдату розных гадоў, — расказвае Надзея Высоцкая. — Таксама я збірала прыгожыя афішы, звязаныя з ім. І многія іншыя рэчы, якімі карыстаўся Высоцкі. У асноўным усё дарылі людзі, аматары яго творчасці, а нешта я купляла ў Германіі, Францыі, Італіі, Расіі. Бо імкнулася зрабіць гэтую экспазіцыю прыгожай, каб яна перадавала атмасферу эпохі... Няпроста Уладзіміру тады жылося, але народжаныя ім творы сталі класікай.

Надзея Фёдараўна кажа, што яны з Высоцкім вельмі падобныя знешне, што яе нават здзіўляе. А самога паэта яна характарызуе як «інтэлігентнага чалавека з асаблівай энергетыкай». Ён мог збіраць каля сябе людзей, але разам з тым быў непрадказальнай і складанай асобай. З ім заўсёды было цікава знаходзіцца ў адной кампаніі. Магчыма, гэтым і прыцягваў увагу да сябе і да ўсяго, што ствараў. І цяпер у прыхільнікаў Уладзіміра Высоцкага будзе яшчэ адно месца, дзе яны змогуць успомніць яго і адчуць атмасферу яго жыцця і творчасці.

Алена ДРАПКО

Выбар рэдакцыі

Грамадства

Транспарт вялiкага горада. Пра новыя маршруты, электробусы i трэцюю лiнiю метро

Транспарт вялiкага горада. Пра новыя маршруты, электробусы i трэцюю лiнiю метро

 У Мiнску цяпер працуе 199 маршрутаў аўтобусаў, восем — электробусаў, 89 — тралейбусаў, восем — трамваяў. 

Культура

Як вывозілі каштоўнасці з музеяў БССР у канцы 1920-х — пачатку 1930-х гг.

Як вывозілі каштоўнасці з музеяў БССР у канцы 1920-х — пачатку 1930-х гг.

Даследчыкі савецкай індустрыялізацыі традыцыйна бралі пад увагу дзве галоўныя крыніцы яе фінансавання — экспарт сыравіны і сельскагаспадарчай прадукцыі.

Культура

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

Леў Клейнбарт. Чалавек, якi адкрыў для чытацкай публiкi Янку Купалу i Сяргея Ясенiна, нарадзiўся ў Капылi — у доме, якi захаваўся да нашых дзён

У пачатку XX стагоддзя публiцыст, крытык i журналiст Леў Клейнбарт быў уплывовай асобай сярод творчай iнтэлiгенцыi Пецярбурга.

Эканоміка

Студэнцкі попыт на кошт арэнды жылля амаль не паўплываў

Студэнцкі попыт на кошт арэнды жылля амаль не паўплываў

Спецыялісты адзначаюць: добра яшчэ, што рынак выжыў.