Вы тут

Мiнчанам прыйшлi жыроўкi з пераразлiкам за няякасную ваду ў чэрвенi


У канцы чэрвеня ў сiстэме цэнтральнага водазабеспячэння Мiнска здарыўся збой, з-за якога жыхары асобных раёнаў не мелi магчымасцi карыстацца пiтной вадой на працягу чатырох дзён. У сувязi з гэтым Мiнгарвыканкам прыняў рашэнне «Аб аплаце за паслугi водазабеспячэння i водаадвядзення (каналiзацыi)» за чэрвень 2020 года». Расказваем, якiя лiчбы павiнны былi атрымаць мiнчане ў лiпеньскiх жыроўках i куды звяртацца, калi засталiся пытаннi.


Фота: Аляксандр Ружачка, onliner.by

Нягледзячы на тое што якасная вада адсутнiчала ў некаторых раёнах Мiнска на працягу толькi чатырох дзён, пацярпелыя ад збою ў сiстэме не будуць плацiць за паслугу водазабеспячэння i каналiзацыi ўвогуле за ўвесь месяц. Гэта датычыцца жыхароў Маскоўскага, Фрунзенскага, часткi Ленiнскага, Цэнтральнага i Кастрычнiцкага раёнаў сталiцы.

Калi ласка, звяртайце ўвагу на паведамленнi аб аплаце жыллёва-камунальных паслуг, якiя ўжо атрымалi або атрымаеце днямi. У iх вы ўбачыце аб'ёмы паслуг халоднага водазабеспячэння i водаадвядзення (каналiзацыi) згодна з паказаннямi прыбораў улiку расходу вады. Пры гэтым у графе «Сума пераразлiку» сумы налiчэнняў абнулены, а ў графе «Вынiковая сума» за паслугу «Халоднае водазабеспячэнне i водаадвядзенне» значыцца сума ў памеры 0,00 рублёў.

— На працягу чатырох дзён мы рэкамендавалi мiнчанам злiваць ваду, i яе аб'ём не можа перавысiць максiмальны аб'ём, якi яны спажылi за ўвесь месяц. Больш за тое, гэта пакрые затраты мiнчан i на такую паслугу, як падаграванне вады, — адзначае начальнiк ЦРС «Водазбыт» Мiнскводаканала Наталля СУБОТКА. — Трэба адзначыць, што аб'ём гарачай вады быў уключаны ў агульны, i яго спажыўцы таксама не аплачвалi. А радок у паведамленнi «Гарачая вада» абазначае падаграванне вады, i гэту паслугу Мiнскводаканал нават не аказвае — гэта робiць другая юрыдычная асоба.

Як адзначыла спецыялiст, зняцце паказанняў трэба ажыццяўляць не пазней чым да апошняга дня каляндарнага месяца. Гэтыя паказаннi падаюцца для таго, каб разлiчыць плату за паслугi ў месяц, якi iдзе за месяцам зняцця паказанняў. Выходзiць, што спажывец у лiпенi аплачвае паказаннi лiчыльнiкаў, якiя ён заявiў у сiстэму АРIП да 30 чэрвеня.

Што ж датычыцца спажыўцоў, якiя не перадалi паказаннi прыбораў улiку, але раней заўсёды гэта рабiлi, дык для iх расход вады спецыялiсты разлiчылi па сярэднiм спажываннi за апошнiя два месяцы. Калi ж чалавек нiколi не падаваў паказаннi, то яго вызвалiлi ад аплаты 4,2 кубаметра вады. Менавiта такая норма прапiсана ў пастанове Саўмiна № 571 ад 12 чэрвеня 2014 года «Аб зацвярджэннi Палажэння пра парадак разлiкаў i ўнясення платы за жыллёва-камунальныя паслугi i платы за карыстанне жылымi памяшканнямi жыллёвага фонду». Ну а калi ў кватэры нават няма прыбораў улiку, то расход разлiчваўся з 260 лiтраў у суткi i 7,8 кубаметра на чалавека — такiя нормы ўстанавiў Мiнгарвыканкам.

Як адзначылi ў Мiнскводаканале, пералiк дамоў, дзе прысутнiчалi збоi ў сiстэме цэнтральнага водазабеспячэння, быў адпраўлены ў разлiкова-даведачныя цэнтры, якiя займаюцца разлiкам i налiчэннем платы за жыллёва-камунальныя паслугi. Поўны спiс дамоў можна знайсцi на сайце Мiнскводаканала. Калi ж у вас з'явяцца нейкiя пытаннi па пераразлiку, вы заўсёды можаце атрымаць падрабязную iнфармацыю па тэлефонах: +375 17 389 40 10, +375 17 389 42 98, +375 17 389 41 41.

Валерыя КIСЛАЯ

Загаловак у газеце: Куды звяртацца, калi засталiся пытаннi

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.