Вы тут

Да 2025 года насельніцтва забяспечаць якаснай пітной вадой


Да 2025 года Мінск павінны цалкам забяспечыць пітной вадой з падземных крыніц. Пра гэта на пасяджэнні калегіі Міністэрства ЖКГ паведаміў намеснік прэм'ер-міністра Уладзімір КУХАРАЎ.


top.st

Віцэ-прэм'ер адзначыў, што сталіцы неабходна дадаткова арганізаваць для горада дастаўку каля 180 тысяч кубаметраў вады кожны дзень. На сёння распрацаваны праграмы, ідзе работа над перадпраектнай дакументацыяй, каб забяспечыць увесь Мінск пітной вадой з падземных крыніц да 2025 года.

Каб якасную пітную ваду мела ўся краіна, да 2025 года трэба пабудаваць яшчэ 1385 станцый абезжалезвання. Па інфармацыі Міністэрства жыллёва-камунальнай гаспадаркі, у рамках Дзяржпраграмы «Чыстая вада» з 2016 года ў краіне было пабудавана 439 станцый абезжалезвання, амаль па 300 аб'ектаў плануюць запусціць сёлета і налета.


Што ж датычыцца рамонту жылога фонду, то ў рамках Дырэктывы № 7 сёлета неабходна адрамантаваць амаль чатыры мільёны квадратных метраў жылля.

Праз тое, што ад плана адстаюць Гомельшчына і Мінск, выніковая лічба па краіне склала 73 % ад гадавога задання, — адзначыла начальнік упраўлення эканомікі Міністэрства ЖКГ Ала РАМАНЬКОВА. — Станоўчую дынаміку можна адзначыць у рабоце па замене ліфтоў — няглядзечы на тое што Гомельшчына не дасягнула паўгадавога задання, наогул па Беларусі камунальнікі выканалі паўгадавы план больш чым на 130 %.

Перавыкананы план і па замене цеплавых сетак — за паўгода камунальнікі замянілі больш за 250 кіламетраў, што складае 113 % ад задання. Крыху адсталі толькі гродзенскія прадпрыемствы ЖКГ — яны выканалі план на 70 %.


Па інфармацыі Міністэрства ЖКГ, добрых паказчыкаў удалося дасягнуць і ў мерапрыемствах па паніжэнні затрат — за паўгода камунальнікі паменшылі іх на 6,1 %, у той час як заданне складала толькі 5 %. Асаблівую ўвагу на калегіі ўдзялілі і фінансавай дысцыпліне. На сёння мясцовыя органы ўлады павінны камунальнікам ужо больш за 10 мільёнаў рублёў, 65 мільёнаў прадпрыемствы ЖКГ недаатрымалі за правядзенне работ па добраўпарадкаванні.

Шмат фінансаў, як і раней, аднімаюць непрофільныя аб'екты — за гэтыя паўгода іх колькасць павялічылася на 41. Пры гэтым амаль па 700 аб'ектах на 1 ліпеня камунальнікам не вярнулі грошы ў поўным аб'ёме, і па гэтым кірунку ім вінныя больш за 700 тысяч рублёў.


Што да збору другасных матэрыяльных рэсурсаў, то за першае паўгоддзе заданне выканана амаль на 50 % — за гэты час сабралі звыш 400 тысяч тон ДМР. Пры гэтым калі параўноўваць з мінулым годам, то сёлета наблюдаецца рост па ўсіх відах ДМР, акрамя шкла.

— У гэтым годзе мы плануем запусціць тры буйныя аб'екты — ужо на 85 % гатовы смеццесартавальны завод у Віцебску і выконваюцца будаўніча-мантажныя работы на ААТ «Краснасельскбудматэрыялы» па выкарыстанні RDF-паліва, — адзначыла дырэктар ДУ «Аператар другасных матэрыяльных рэсурсаў» Наталля ГРЫНЦЭВІЧ.

Валерыя КІСЛАЯ

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.