Вы тут

Тэлеканал «Беларусь 1» пакажа прэм'еру — першы выпуск штотыднёвай праграмы «Зроблена!»


У Дзень Незалежнасцi Рэспублiкi Беларусь тэлеканал «Беларусь 1» пакажа прэм'еру — першы выпуск штотыднёвай праграмы «Зроблена!». Яна з'явiлася ў вынiку сумеснай работы Агенцтва тэленавiн Белтэлерадыёкампанii, iнфармацыйных дырэкцый каналаў АНТ i СТБ. Сумесны сацыяльна-палiтычны праект раскажа i пакажа найлепшыя дасягненнi нашай краiны за гады яе суверэннага жыцця.


Сёння мы маем добраўпарадкаваныя i камфортныя гарады з развiтай транспартнай iнфраструктурай, высокi ўзровень медыцынскага абслугоўвання, адукацыi, навукi i IТ-галiны, а таксама гаспадаркi i аб'екты прамысловага сектара, якiя пастаянна мадэрнiзуюцца, — i ўсё гэта вынiк агульнай працы мiльёнаў беларусаў. У праекце «Зроблена!» аўтары-карэспандэнты прадставяць гледачам вялiкую панараму суверэннай Беларусi, паказваючы, як год за годам выконвалiся даручэннi кiраўнiка дзяржавы, як множылiся дасягненнi ў сферы турызму, спорту, культуры, медыцыны, навукi i IТ, як удасканальвалiся транспартная iнфраструктура, аграпрамысловы комплекс, добраўпарадкаванне гарадоў, прамысловасць i шмат iншага.

— У праекце «Зроблена!» выкарыстана шмат архiўных матэрыялаў, каб паказаць у фармаце «было i стала», што дасягнута ў той цi iншай галiне за час нашага суверэннага iснавання. Напрыклад, першая серыя раскажа пра машынабудаўнiцтва, i там у нас архiўныя кадры з адсылкай у 90-я гады, — дзелiцца галоўны дырэктар Агенцтва тэлевiзiйных навiн Сяргей Хамянтоўскi. — Пакажам, якiмi былi прадпрыемствы, калi дасталiся нам пасля распаду Савецкага Саюза. Дастаткова ўспомнiць вядомыя кадры з «Гомсельмаша», дзе рабочыя грэюць рукi ў халодным цэху над агнём, якi гарыць у бочцы. Тады так здарылася, што на прадпрыемстве адключылi электрычнасць, i людзям даводзiлася сагравацца каля вогнiшчаў, якiя гарэлi проста ў цэхах. А потым па сутнасцi была створана цэлая галiна машынабудаўнiцтва, i сёння яна вядомая не толькi трактарамi i камбайнамi, таму што тут выпускаюць i электрамабiлi, i электрычкi «Штадлер», i многае iншае. Па такiм алгарытме мы прасочым, чым жыла i як развiвалася Беларусь, якiя магутнасцi маюць цяпер розныя вытворчасцi. У мяне асабiста выклiкаюць захапленне i гонар тыя людзi, чыiмi сiламi i прафесiяналiзмам быў дасягнуты такi вынiк. I, спадзяюся, нам з калегамi з iншых тэлеканалаў удалося ў 15-серыйным праекце расказаць пра ўсё гэта.

З выпуску ў выпуск аўтары будуць праводзiць своеасаблiвы вiдэаманiторынг таго, што адбываецца i як дзейнiчаюць пасля сустрэч з Прэзiдэнтам чыноўнiкi на месцах, якi вынiк далi шматлiкiя паездкi па рэгiёнах i рабочыя сустрэчы для беларускай эканомiкi за апошнiя 10-15 гадоў. Бо, як вядома, у гэты перыяд будавалi Беларускую АЭС, «Мiнск-Арэну», «Чыжоўка-Арэну», праводзiлi рэстаўрацыю стадыёна «Дынама», а ў цэхах айчынных прамысловых гiгантаў выпускалi новую прадукцыю... Усё гэта будзе прадстаўлена ў 15-хвiлiнных серыях журналiстамi трох тэлеканалаў. Аб'яднаныя агульнай канцэпцыяй выпускi праекта раскажуць пра тое, што можна лiчыць вынiкам агульнай працы, чым можна ганарыцца.

Тэлеканалы «Беларусь 1», «Беларусь 24», АНТ, СТБ i «РТР-Беларусь» пакажуць усе фiльмы цыклу ў прайм-тайм — кожны тыдзень гледачоў чакаюць адзiн выпуск, зроблены кожным з каналаў, i дзве работы ад калег па творчым цэху.

Алена ДРАПКО

Фота Белтэлерадыёкампанii

Загаловак у газеце: Гэта зроблена намі

Выбар рэдакцыі

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.