Вы тут

Раім паглядзець


Фестываль VK Fest, The Met 360°. Метрапалітэн-музей, Віртуальная экскурсія па Зыбіцкай і іншае — афіша «Звязды».


Фестываль VK Fest

Дзе: vk.com

Калі: з 15 па 21 мая

Колькі каштуе: бясплатна

З 15 па 21 мая — анлайн-фестываль VK Fest. Тыдзень бясплатных трансляцый з удзелам артыстаў і іншых зорных гасцей.

Баста • Градусы • Дзіяна Арбеніна і Начныя Снайперы • Алена Цемнікава • Ёлка • Клава Кока • Лёша Свік • Макс Барскіх • Мары Краймберы • Мот • Паліна Гагарына • Руки Вверх! • Ціма Беларускіх • ХЛЕБ • ЯАVЬ • Artik & Asti • BrainStorm • Cream Soda • DAVA • Elman • Feduk • Flesh • Jah Khalib • Jony • IOWA • GAYAZOV $ BROTHER $ • GONE.Fludd • IROH & Flipper Floyd • Lizer • Manizha • Maruv • MGZAVREBI • NECHAEV • NILETTO • OG Buda • Ramil • ROZHDEN • RSAC • VADA • Zivert і іншыя.


Майстар-клас па роспісу яек воскам на свята Юр’я

Дзе: Цэнтр Традыцыйнай Культуры (Барысаў, Беларусь)

Калі: у любы час

Колькі каштуе: бясплатна

Цэнтр традыцыйнай культуры пачаў сваю дзейнасць з 1 чэрвеня 2011 года. Тут праводзяць работу па зборы, сістэматызацыі этнаграфічных экспанатаў, выяўленні носьбітаў характэрных узораў традыцыйнай культуры Барысаўскага рэгіёна, стварэнні выставачнага фонду прадметаў сялянскага побыту, арганізуюць экскурсіі, праводзяць практычныя заняткі, майстар-класы, семінары з мэтай прыцягнення большай колькасці насельніцтва да азнаямлення і авалодання беларускімі традыцыйнымі рамёствамі. Гэтая суполка для ўсіх, каму цікавая традыцыя сваёй зямлі. Хто хоча даведацца і навучыцца забытаму рамяству. Для каго падарункі для родных і блізкіх напоўняцца новымі сэнсам і зместам.

Іншыя мастар-класы вы таксама можаце паглядзець у суполцы.


The Met 360°. Метрапалітэн-музей

Дзе metmuseum.org

Калі: у любы час

Колькі каштуе: бясплатна

Гэтая адзначаная ўзнагародамі серыя з шасці кароткіх відэаролікаў запрашае гледачоў з усяго свету віртуальна па-новаму зірнуць на мастацтва і архітэктуру The Met. Створаны з выкарыстаннем сферычнай тэхналогіі 360°, ён дазваляе гледачам даследаваць некаторыя са знакавых прастор музея, як ніколі раней.

Прагледжаная больш за 11 мільёнаў разоў, гэтая серыя дае доступ і перспектыву, звычайна недаступную для грамадскасці. Гледачы могуць выпрабаваць магію стаяння ў пустой галерэі пасля заканчэння гадзін, назіраючы за ажыўленай прасторай у прамежак часу альбо плывучы высока над Метравымі манастырамі для прагляду з вышыні птушынага палёту.


Экспазіцыя «Твары Фрыды»

Дзе artsandculture.google.com

Калі: у любы час

Колькі каштуе: бясплатна

На платформе Google Мастацтва і культура адкрылі віртуальную выставу «Твары Фрыды», якую падрыхтавалі ўдзельнікі 33 музеяў. У вас ёсць магчымасць у высокай якасці разгледзець больш за 200 карцін і накідаў Фрыды Кала, а таксама вывучыць фатаграфіі і любыя эксперыментальныя архіўныя матэрыялы, сярод якіх — штодзённікі і лісты мастацкіх твораў. Адзін з раздзелаў анлайн-экспазіцыі прысвячаецца схаваным сэнсам у працах мексіканкі. Слайды суправаджаюцца разгорнутымі каментарыямі, якія расказваюць пра жыццё і творчасць Кала, яе фізічным і душэўным болі.


Інтэрактыўная выстава «Ёка Она. Неба заўсёды яснае»

 

Дзе: mmoma.ru

Калі: у любы час

Колькі каштуе: бясплатна

У ММОМА адкрылася першая маштабная рэтраспектыва Ёка Она ў Расіі. Большую частку выстаўкі складаюць яе знакамітыя тэкставыя «Інструкцыі», надрукаваныя на белай паперы, яны прапануюць гледачам «дакранацца адзін да аднаго» ці «прыслухацца да пульса адзін аднаго, прыклаўшы вуха да жывата». На выставе шмат і іншага інтэрактыву — можна паспрабаваць стварыць нешта новае з абломкаў посуду з дапамогай скотчу або проста пагуляць у шахматы. Таксама прадстаўлены класічныя відэапрацы Она і «Водная падзея» 1977 года, узноўленая пры ўдзеле вядомых сучасных мастакоў, такіх як Вольга Кройтар, Ганна Цітова і Стас Шурыпа.


Паказы спектакляў TheatreHD

Дзе: theatrehd.ru

Калі: у любы час

Колькі каштуе: бясплатна

Тэатр — у вас дома!

Анлайн-паказы спектакляў Метрапалітэн оперы, Вялікага Тэатра Расіі, лонданскага Каралеўскага Нацыянальнага тэатра і Шэкспіраўскага тэатра «Глобус».

Зоркі оперы, балета і драматычнай сцэны: Ганна Нятрэбка, Хуан Дыега Флорэс, Ёнас Каўфман, Дзмітрый Хварастоўскі, Вольга Смірнова, Святлана Захарава, Арцём Аўчаранка, Бенедыкт Камбербэтч, Джоні Лі Мілер, Рэйф Файнс, Марк Гэціс, Том Хідлстан і іншыя любімыя выканаўцы.

Анлайн-паказы спектакляў

  • Globe: Сон у летнюю ноч (да 18 мая)
  • Камедыя памылак (з 18 мая да 1 чэрвеня)
  • Globe: Зімовая казка (з 1 чэрвеня да 15 чэрвеня)
  • Globe: Віндзорскія насмешніцы (з 15 чэрвеня да 29 чэрвеня)

Бяспечны LIVE. Алесь-Францішак Мышкевіч

Дзе: youtube.com

Калі: 14 мая, 20:30

Колькі каштуе: бясплатна

Алесь-Францішак Мышкевіч — бас-гітарыст гурта Drezden, Ляпіс-98, былы баст-гітарыст Lavon Volski, Krambambula, франтмэн The Superbullz. Такой колькасці хітоў ад аднаго чалавека вы яшчэ не чулі! Ён выканае найлепшыя песні Ляпісаў, Вольскага ды The Superbullz і запаліць вечар на 100%.

Папярэднія канцэрты гуртоў :B:N:, Leibonik, Naka Piano, Палац, Angst, Akute, Лиса, Lear, Мутнаевока, Nürnberg глядзіце тут.


Віртуальная экскурсія па Зыбіцкай

Фота: TUT.BY

Дзе: bulbashbar5.whereby.com

Калі: 15 мая, 20:00

Колькі каштуе: бясплатна

У пятніцу 15 мая «музейны стэндапер» Мікіта Моніч прагуляецца па Зыбіцкай і раскажа, як весела было на тусовачных вуліцах 100 гадоў таму (і ці весяліліся там), адкуль з’явілася незвычайная назва, а таксама які бар можна лічыць самым першым.

Для таго, каб далучыцца да online-экскурсіі, заходзьце ў пакой № 1 у раздзеле «Вуліца Зыбіцкая». Максімальная колькасць удзельнікаў — 50.


Рок-опера «Чарадзей»

Дзе: voka.tv

Калі: 16 мая, 21:00

Колькі каштуе: бясплатна

Упершыню ў Беларусі штогадовая міжнародная акцыя «Ноч музеяў» пройдзе ў анлайн-фармаце. Спецыяльна да гэтай падзеі, якая адбудзецца 16 мая, Нацыянальны гістарычны музей, відэасэрвіс VOKA і каманда рок-фолк оперы «Чарадзей» адаптавалі музычны спектакль для паказу ў прамым эфіры. Бясплатная трансляцыя распачнецца а 21-й гадзіне і будзе даступная для ўсіх ахвотных у любой кропцы свету.

Рок-фолк опера «Чарадзей» напісана беларускім кампазітарам, сцэнарыстам і прадзюсарам Раманам Арловым па матывах летапісных крыніц, дзе згадваецца легендарны полацкі князь Усяслаў Чарадзей. Прэм’ера адбылася ў 2016 годзе ў Белдзяржфілармоніі, затым спектакль быў паказаны каля дзесяці разоў на іншых сцэнічных пляцоўках і ў розных версіях.

Для першай анлайн-праграмы «Ночы музеяў» у Нацыянальным гістарычным музеі Рэспублікі Беларусь падабраны асобныя нумары з рок-фолк оперы «Чарадзей», якія прагучаць у акустычным выкананні. Разам з галоўнай гераіняй — багіняй Марай (салістка гурта «У нескладовае» Кацярына Поцюс) — гледачы VOKA ў прамым эфіры адправяцца на пошукі Усяслава Чарадзея, сустрэнуцца з яго ўнучкай Ефрасінняй Полацкай, князем Мікалаем Радзівілам Чорным і іншымі знакавымі асобамі. А пасля анлайн-паказу оперы, які будзе доўжыцца каля дзвюх гадзін, трансляцыя працягнецца ўжо з дворыка Нацыянальнага гістарычнага музея, дзе адбудзецца начны канцэрт.

Прамы эфір будзе даступны 16 мая ў мабільным дадатку VOKA ці на сайце voka.tv з любой прылады і ў сетцы любога аператара Беларусі і іншых краін свету без аўтарызацыі. Шматкамерная мастацкая здымка ў высокай якасці дазволіць кожнаму гледачу стаць удзельнікам першай у Беларусі «Ночы музеяў» у анлайн-фармаце і ўбачыць усё, што адбываецца ў выставачных залах, з розных ракурсаў, нават знаходзячыся ў сябе дома.


Сустрэча-кансультацыя «(Не)даступны анлайн: бар’еры»

Дзе: платформа Zoom

Калі: 15 мая, 15:00-17:30

Колькі каштуе: бясплатна, абавязковая рэгістрацыя (да 13 мая, 23:59)

У сувязі з пандэміяй многія мерапрыемствы праходзяць анлайн. Здавалася б, паўсюль можна спакойна ўдзельнічаць з кватэры. Аднак для некаторых людзей такі фармат можа быць недаступны ці нават небяспечны — і трэба разабрацца для каго і чаму.

У выніку сустрэчы вы:

  • Вызначыце, якія групы людзей адчуваюць складанасці пры ўдзеле ў анлайн-мерапрыемствах;
  • Абмяркуеце бар’еры ўдзелу для людзей з уразлівых груп;
  • Прааналізуеце названыя бар’еры і сумесна выпрацуеце іх спіс.

«Што такое інклюзія?»

За 1 хвіліну вы даведаецеся, што такое інклюзія, з чаго яна складаецца і для чаго патрэбна. Відэа створана камандай BeVisual  у рамках ініцыятывы ALL Inclusive, якую рэалізуе Цэнтр развіцця эфектыўнай камунікацыі «Жывая Бібліятэка».


Таксама вы можаце зірнуць 5 спектакляў на тыдзень, якія можна паглядзець анлайн.

/Афіша дапаўняецца/

Выбар рэдакцыі

Рэлігія

Адноўлены Тураўскі крыж паказалі ў Мінску

Адноўлены Тураўскі крыж паказалі ў Мінску

Вячэрняе набажэнства у саборы прайшло, авеянае дарагімі для ўсіх сімваламі вяртання і адраджэння духоўных традыцый.  

Культура

75 гадоў таму адкрылася першая экспазiцыя музея Янкi Купалы

75 гадоў таму адкрылася першая экспазiцыя музея Янкi Купалы

Давайце з нагоды пачэснага юбiлею пройдземся па залах музея, у кожнай з якiх свае цiкавосткi.