Тыдзень беларускай кухні «Масленіца», Сустрэча «Лайфхакі пра Ізраіль», Мерапрыемства да 85-годдзя з дня нараджэння Барадуліна і іншае — афіша Звязды з 24 лютага па 1 сакавіка.
Дзе: г. Мінск
Калі: 1 сакавіка
Ён адбудзецца ў першы дзець вясны з удзелам дзяцей з рэгіянальных дзіцячых дамоў. Малышы прыедуць у сталіцу з Бягомлю, Бабруйску, Вілейкі, Івянца, вёскі Слабодка, Маладзечна і Рудзенску.
Дзяўчаты і хлопцы пакажуць калекцыі ад Анастасіі Фальковіч (брэнд Falkovich), Юліі Куцепавай (брэнд «Тэатр моды „Касцюмер“ ), Лідзіі Барынавай (брэнд „JennyLis“), Ільі Аксёнава (брэнд » LSTR Adzieńnie «), Лідзіі Сямёнавай (брэнд «AVA мода» ), Кацярыны Безрукавай (брэнд «TIKOTA UNIQUE») і кампаніі «ФлагБай». Мадэльеры пры стварэнні строяў стараліся ўлічваць густавыя перавагі і фізіялагічныя асаблівасці юных мадэляў, паколькі многія з іх маюць інваліднасць. Пасля паказу адзенне будзе падоранае дзецям.
«Каляровыя сны» — гэта інклюзіўны дабрачынны праект, які адбудзецца ўжо ў трэці раз. Удзел партнёраў у ім — добраахвотная ініцыятыва кожнага і не мае камерцыйнай асновы. У 2018-м годзе мерапрыемства падтрымалі беларускія артысты, у мінулым годзе да іх далучыліся блогеры і фіналісткі «Міс Беларусь». Суправаджаць мадэляў на подыуме ў гэты раз будуць беларускія спартсмены з гімнастыкі, бокса, хакея, футбола, плавання, фехтавання, мотаспорту, кулявой стральбы. Яны, як ніхто іншы, ведаюць, як не здавацца і не адступаць перад цяжкасцямі. Такія праекты як «Каляровыя сны» не толькі ўсяляюць у дзяцей з дзіцячых дамоў веру ў сабе, але і вучаць іх прымаць свае асаблівасці.
Фота Нацыянальнай школы прыгажосці
Дзе: г. Мінск
Калі: 24 лютага — 1 сакавіка
Колькі каштуе: 7 BYN на кожны сэт
Шэсць устаноў прапануюць сэты з бліноў з начыннем з ікры, філе стронгі і з пастай з антарктычнага крыля (крыль — гэта маленькая крэветка-рачок).
— Мы аб’ядналі шэсць рэстаранаў і прапанавалі ім разнастаіць меню новымі спалучэннямі бліноў з разнастайным начыннем з рыбы і морапрадуктаў, — каментуе Кацярына Амяльковіч, начальніца аддзела маркетынгу «Рыба і морапрадукты» кампаніі «Санта Брэмар». — Адна з задач нашай кампаніі — развіваць культуру спажывання рыбы і морапрадуктаў у Беларусі.
- Cafe Netto, вул. Чырвоная, 13
Крэп-ролы з ікрой з вэнджаным ласосем і тварожным мусам з ікрой; тартар са слабасалёнай стронгі.
- «Камуналка», вул. Карла Маркса, 21
Блінцы з ікрой з вэнджаным ласосем, ікрой мінтая, крылем і чырвонай рыбай.
- Faust, вул. Інтэрнацыянальная, 21
Панкейкі, змазаныя крылем; тонкія бліны з ікрой; тартар са стронгі, упрыгожаны зелянінай і лімонам.
- «Аліўе», вул. Інтэрнацыянальная, 27
Бліннае асарці з тварожным сырам, стронгай, крылем і долькамі цытрыны.
- Feelini, вул. Інтэрнацыянальная, 36
Дражджавыя аладушкі з крылем; грэчкавыя бліны з ікрой, аздобленыя рукулай і тонкімі лустачкамі агурка.
- Middle Ground, вул. Кастрычніцкая, 23
Французскія аладушкі са слабасалёнай стронгай, ікрой з вэнджаным ласосем, сметанковым сырам, зелянінай і марынаванымі пікулямі.
Дзе: Грай, г. Мінск, вул. Інтэрнацыянальная, 33
Калі: 26 лютага, 19:00
Колькі каштуе: бясплатна, неабходна рэгістрацыя
Аліна і Ігар раскажуць:
Дзе: Дзяржаўны музей гісторыі беларускай літаратуры, г. Мінск, вул. М. Багдановіча, 13
Калі: па 14 сакавіка
Колькі каштуе: уваходны квіток музея
Дзяржаўны музей гісторыі беларускай літаратуры запрашае ўсіх жадаючых на часовую літаратурна-дакументальную экспазіцыю «Валянцін Тарас і Рыгор Барадулін. На выспе ўспамінаў....», прымеркаваную да 90-годдзя Валянціна Тараса і 85-годдзя Рыгора Барадуліна.
Пакаленне пісьменнікаў-шасцідзясятнікаў. Вядомы беларускі даследчык, літаратуразнавец Міхась Тычына пісаў: «Пакаленні ідуць у літаратуру хваля за хваляй, але гоніць іх вецер вялікіх гістарычных падзей, часцей за ўсё пераломных, драматычных. Нездарма шасцідзясятнікаў нейкі час называлі «пакаленнем ХХ з’езду». Часам іх атаясамліваюць з «філалагічным» пакаленнем пісьменнікаў, што атрымалі ўніверсітэцкую адукацыю. Беларускімі стваральнікамі «духоўнага рэнесансу» 1950–60-х гг. сталі У. Караткевіч, Н. Гілевіч, Р. Барадулін, А. Вярцінскі, Г. Бураўкін, В. Зуёнак, А. Грачанікаў, К. Цвірка, Д. Бічэль, Б. Сачанка, М. Стральцоў, Я. Сіпакоў, І. Чыгрынаў, А. Адамовіч, В. Вярба і многія іншыя.
Прадстаўнік таго пакалення Валянцін Тарас пісаў: «Мы ўсе, каго сёння называюць шасцідзясятнікамі, а гэта і я, і Саша Адамовіч, і Навум Кіслік, і Мікола Крукоўскі, і ў пэўнай ступені Васіль Быкаў, хаця ён у многім пайшоў далей за нас яшчэ тады, — мы эвалюцыянавалі».
Экспазіцыя складаецца з комплексаў, прысвечаных канкрэтным перыядам у жыцці пісьменнікаў або важным падзеям у гісторыі нашай краіны, на якія адгукнуліся творцы. Прадстаўлены матэрыялы з фондаў Дзяржаўнага музея гісторыі беларускай літаратуры і архіва сям’і Тарасаў: арыгінальныя фотаздымкі, рукапісы, асабістыя рэчы, творы пісьменнікаў, часопісы, кнігі з дароўнымі надпісамі, якія ілюструюць час творчасці Валянціна Тараса і Рыгора Барадуліна.
Кантактны тэлефон: (017) 335-44-47
Дзе: Корпус, г. Мінск, пр-т Машэрава, 9/8
Калі: 28 лютага
Колькі каштуе: бясплатна
«Пяціхвілінкі» у «Корпусе» — гэта вар’етэ-шоўкейс, дзе на працягу пяці хвілін усе жадаючыя могуць праспяваць / станцаваць / выступіць / выказацца / паказаць свае любыя працы.
На апошняй пяціхвілінцы нябачнай зімы можна разыгрываць сцэны, адкрываць душу, спяваць, музіцыраваць, распавядаць аб праектах і планах, не гаварыць, не спяваць, стаяць і нічога не рабіць — самапрезентуйцеся як можаце ці прэзентуйце што хочаце!
Успамінаючы, якой бывае зіма, белай, прасторнай, марознай і ружовашчокай, падрыхтуйце белае адзенне! Гэтая пяціхвілінка будзе белай, уяўна снежнай, лёгкай, без трагедый і драм, поўнай паветра і мар! Гэта будзе пяціхвілінка без брыдкаслоўя, але не без сарказму і тонкага гумару. Вітаецца любы і кожны, хто здольны начыста на што заўгодна!
І яшчэ... Прыходзьце ў белым!
Дзе: Нацыянальны цэнтр сучасных мастацтваў, г. Мінск, вул. Някрасава, 3
Калі: па 8 сакавіка
Колькі каштуе: 5/2 BYN
Інспірацыяй для выставы стала кніга «Мроі пра паветра. Вопыт пра ўяўленне руху» французскага філосафа і мастацтвазнаўцы Гастона Башляра.
Мара пра чалавечы палёт настолькі простая і недвухсэнсоўная, што часта ўспрымаецца на мяжы банальнасці. Аднак у гэтай выставе, як і ў кнізе Гастона Башляра, гаворка ідзе пра больш агульнае і ўніверсальнае — пра нязменную ментальную накіраванасць чалавека ўверх («чалавек, паколькі ён чалавек, не можа жыць гарызантальна»), выключна пазітыўную трактоўку ўзвышэння чалавека: ад простага «вышэй нос» да ўяўленняў пра паветраную лёгкасць душы. Узяўшы за аснову сімвалізм палёту, выстава паказвае нязменнае імкненне чалавека да ўзнёслага, яго адчайнае жаданне пераадолець штодзённасць, сцвярджае каштоўнасць летуценнасці і фантазіі і ў той жа час нагадвае пра крохкасць чалавечага.
Асобнай лініяй праходзіць на выставе тэма палёту Ікара. Ва ўмовах сучаснасці гэты міф прадстаўляе выключна шырокую прастору для інтэрпрэтацый: ад боязі тэхналогій, якія могуць, як крылы Ікара, выйсці з-пад кантролю, да прагі ўсё больш пашыраць магчымасці чалавечага цела. З іншага боку, міф пра Ікара — гэта балючая для сучаснага «грамадства поспеху» гісторыя пра тое, чаго дасягнуць ніколі не атрымаецца.
Большасць твораў на выставе — са збору Нацыянальнага цэнтра сучасных мастацтваў: гэта творы Канстанціна Селіханава, Паўла Вайніцкага, Ганны Ціханавай-Ёрданавай і іншых. Запрошаныя мастакі — Алена Гіль, Маша Мароз, Рыгор Несцераў і Юрый Тарэеў.
Назву выставе даў афорт мастачкі Марыны Тэраўдс (Латвія/ЗША) з калекцыі НЦСМ, які таксама прадстаўлены ў экспазіцыі.
Час працы: серада-нядзеля з 12:00 да 20:00
Работа з арганізаванымі школьнымі групамі — з 11:00
Выхадныя: панядзелак, аўторак
Каса: +375 (17) 281-74-79
Інфармацыя, запіс на экскурсіі: +375 (17) 235-03-32
Дзе: г. Мінск
Калі: 24 лютага — 1 сакавіка
Колькі каштуе: 20 BYN
Сэт з нацыянальных страў. Падрабязней па спасылцы.
Дзе: Планетарый, г. Мінск, вул. Фрунзе, 2
Калі: 23 лютага, 13:00
Колькі каштуе: дзіцячы (ад 4 да 18 гадоў) — 4 BYN, дарослы — 4,80 BYN
Паказ паўнакупальнага фільма «Далёка ад Сонца». Гэта падарунак іспанскіх сяброў, студыі Render Area, да Дня роднай мовы. Фільм застанецца ў афішы Планетарыя на працягу двух гадоў і будзе дэманстравацца толькі на беларускай мове.
Дубляж зроблены мінскім Планетарыем з удзелам вядомых беларускіх акцёраў — Іны Ганчар і Ігара Сідорчыка.
Яскравы і пазнавальны мультфільм будзе цікавы дзецям ад шасці гадоў і іх бацькам. У цэнтры гэтай фантастычнай гісторыі маленькая дзяўчынка Сялеста, якая хоча даследаваць Сусвет. Пакуль яна змагаецца са сном у сваім пакоі і чытае кнігу па астраноміі, яе нечакана наведвае сам Месяц.
Разам яны падарожнічаюць па Сусвеце і даведваюцца, што такое экзапланеты і як іх можна знайсці. Яны назіраюць планеты-ізгоі, акіянічныя светы і суперземлі. Месяц распавядае пра паляўнічых на экзапланеты, якія назіраюць за небам у пошуках такіх планет, як Зямля.
Дзе: Дзяржаўны музей гісторыі беларускай літаратуры, г. Мінск, вул. Багдановіча, 13
Калі: 24 лютага, 16:00
Колькі каштуе: школьнікі і студэнты — 1,50 BYN, дарослыя — 3 BYN
Рыгор Барадулін (Рыгор Іванавіч Барадулін; 1935–2014) — паэт, эсэіст, перакладчык. Лаўрэат прэміі Ленінскага камсамола Беларусі (1976) і Дзяржаўнай прэміі імя Янкі Купалы (1976). Кавалер ордэнаў Дружбы народаў, Знак Пашаны, латвійскага ордэна Трох Зорак (1997), узнагароджаны медалем Францыска Скарыны. Ганаровы доктар БДУ і ганаровы грамадзянін Ушацкага раёна.
Тэма роднай мовы, яе гісторыя, багацце, велізарныя выяўленчыя магчымасці, стасункі з мовамі народаў свету ў творчасці Рыгора Барадуліна займаюць асаблівае месца.
«Толькі родная мова можа даць крылы для творчага ўзлёту. Дзякуй роднаму беларускаму слову. Яно дало мне адчуць радасць сказаць нешта сваё. Нельга тымі словамі, якія пачуў ты ўпершыню ад маці, хлусіць Айчыне, Народу», — сцвярджаў народны паэт Беларусі Рыгор Барадулін.
Мерапрыемства, якое ладзіцца сумесна з Клубам «Класікі і сучаснікі» Мінскага дзяржаўнага аўтамеханічнага каледжа імя М.С. Высоцкага, адбудзецца ў межах дзеючай літаратурна-дакументальнай экспазіцыі «Валянцін Тарас і Рыгор Барадулін. На выспе ўспамінаў...».
У мерапрыемстве прымуць удзел: Ігар Засімовіч, скульптар, аўтар помніка Рыгору Барадуліну ва Ушачах і мемарыяльнай дошкі на доме ў Мінску, дзе жыў паэт, паэт і сябра Рыгора Барадуліна Ганад Чарказян, мастак і паэт Рыгор Сітніца.
Падчас мерапрыемства Зміцер Бартосік выканае песні на вершы Рыгора Барадуліна.
Дзе: Нацыянальны гістарычны музей Рэспублікі Беларусь, г. Мінск, вул. Маркса, 12
Калі: па 1 сакавіка
Колькі каштуе: 7 BYN — для дарослых, 5 BYN — для студэнтаў, 4 BYN — для школьнікаў.
У год Малой радзімы і з нагоды 100-гадовага юбілею aўтара Нацыянальны гістарычны музей Рэспублікі Беларусь прадстаўляе выставу «Ян Камар. Фатограф з Нянькава».
Іван Ігнатавіч Камар — адзін з найстарэйшых фатографаў-аматараў Беларусі. Яго бацькі — простыя сяляне — Ігнат Парфенавіч і Алімпіяда Кліменцеўна з вёскі Нянькава, што на Наваградчыне. У гэтай невялікай і ўтульнай вёсачцы, якую ў свой час уславіў знакаміты беларускі палеантолаг і фалькларыст Уладзіслаў Дыбоўскі, Іван Ігнатавіч пражыў практычна ўсё сваё жыццё.
На першы погляд сюжэты простыя — фота на дакументы, партрэты на памяць сваіх аднавяскоўцаў — дарослых і дзяцей, у іх простым штодзённым жыцці, у святы і будні. Звяртаўся і да даволі рэдкіх для вясковага фатографа сюжэтаў — нацюрморта і аўтапартрэтаў-сэлфі.
Дасканалая кампазіцыя, пачуццё кадра, уменне выбраць той самы, неабходны момант здымкі робяць фатаграфіі Івана Камара яркімі і запамінальнымі, дазваляюць адчуць своеасаблівы каларыт беларускай вёскі канца 1950-х — сярэдзіны 1970-х гадоў.
Сёння больш двух тысяч яго фотанегатываў алічбаваны мінскім фотамастаком, куратарам выставы Альбертам Цэхановічам. Для юбілейнай экспазіцыі адабраны найбольш яркія і цікавыя кадры, якія Альберт Цэхановіч надрукаваў уручную з аўтарскіх фотанегатываў на старой фотапаперы 1980-х гг.
Таксама на выставе будуць прадстаўлены найкаштоўнейшыя дакументы сваёй эпохі: школьныя пасведчанні 1930-х гадоў, сшыткі вучня польскай, а затым беларускай савецкай школы Яна Камара, лісты і фатаграфіі з фронту ветэрана Вялікай Айчыннай вайны Івана Камара і шэраг іншых найцікавых матэрыялаў, перададзеных у дар Нацыянальнаму гістарычнаму музею гэтым дзіўным чалавекам у 2017 годзе.
У рэжыме нон-стоп будзе дэманстравацца прысвечаны фатографу аднайменны кароткаметражны фільм, зняты ў 2019 г. Андрэем Васкрасенскім па сцэнары Альберта Цэхановіча.
Асобным акордам урачыстага адкрыцця выставы стане міні-прэзентацыя альбома- каталога Надзеі Саўчанка «Сава Сіўко. Фатограф Любчанскага края», выдадзенага музеем у 2019 годзе пры падтрымцы генеральнага партнёра — кампаніі JTI ў Беларусі.
Музей працуе: з 11:00 да 19:00 Без выхадных.
Дзе: г. Мінск (адпраўленне)
Калі: 29 лютага, 08:00
Колькі каштуе: 65 BYN
МІНСК ⇒ ІЎЕ ⇒ ЛІДА ⇒ ААТ «ТБЗ ДЗІТВА» (ГАРАДЗЕНСКАЯ ВОБЛ. ЛІДСКІ Р-Н) ⇒ МІНСК
«Масленіца на вузкай каляіне» — супольны праект ад 750mm.by этнаграфічнага клуба «Кола», капэлы «Жыдовачка» а таксама Дзітвянскага калектыву народнай творчасці.
ПЛАН ЭКСКУРСІІ:
Падрабязней па спасылцы.
Дзе: в. Станькава
Калі: 29 лютага, 12:00
Колькі каштуе: дарослы — 6 BYN, дзіцячы — 4 BYN, дзеці да 5-ці гадоў — бясплатна
Праграма:
Даведкі: +375 44 599 43 88; 8 01716 2 66 90.
Дзе: Камароўскі рынак, г. Мінск, вул. В. Харужай, 8
Калі: 28 лютага — 1 сакавіка
Колькі каштуе: бясплатна
Рыхтуйцеся развітвацца з дакучлівай, сырой і «несапраўднай» зімой і вітаць ласкавае вясновае сонейка шырока і з размахам. Бо так «Масленіцу» вы яшчэ не святкавалі!
У самым канцы лютага плошча перад Мінскім Камароўскім рынкам пераўвасобіцца ў сапраўдны кірмаш і напоўніцца водарам бліноў па ўнікальных рэцэптах, мелодыямі нацыянальных музычных інструментаў, блазнамі і рыцарамі, а таксама народнымі забавамі і масай цікавых актыўнасцей.
На фестывалі «Масленіца» вас чакаюць 16 яркіх хатак, кожная з якіх адкрые для вас новыя густы і традыцыі сустрэчы вясны! Акрамя «класічных» бліноў са смятанай, ікрой або мёдам, госці фестывалю змогуць паспрабаваць рознакаляровыя бліны і з экзатычнымі начынкамі: вострыя, з крэветкамі, бурачныя, з варэннем з хваёвых шышак і дзьмухаўцоў.
Але перад тым як шчыльна падсілкавацца, рыхтуйцеся размінацца ў традыцыйных забавах. На «Масленіцы» кожны зможа акунуцца ў дзяцінства і традыцыйныя забавы і выйграць бясплатны блін па спецыяльным рэцэпце! Халодна не будзе!
Вас чакаюць розныя актыўнасці: скачкі ў мяшках, адгадванні загадак у блазна, танцы і народная музыка, тэатральныя перформансы! Праграма прыйдзецца даспадобы і дарослым, і дзецям! Бо дзеці змогуць акунуцца ў атмасферу рыцарскіх бітваў і паўдзельнічаць у карагодах вакол пудзіла Марэны — вялікай багіні Зімы.
А ў канцы ўсіх гасцей чакае кульмінацыя Масленіцы — спальванне пудзіла. Думаеце, такое немагчыма ў цэнтры сталіцы? А вось прыходзьце і ўбачыце ўсё на свае вочы!
Дзе: Парк-музей інтэрактыўнай гісторыі Сула, в. Сула
Калі: 29 лютага — 1 сакавіка
Колькі каштуе: дашкольнікам — бясплатна, школьнікам — 5 BYN, дарослым — 10 BYN
Вас чакаюць:
Дзе: Фестывальны, х. Арлоўшчына
Калі: 29 лютага, 12:00
Колькі каштуе: ад 7 BYN
29 лютага госці змогуць пабываць у атмасферы беларускай міфалогіі. Кожны зможа пазнаёміцца з героямі міфаў і легенд Беларусі, але ці кожны адважыцца прайсці новыя выпрабаванні, якія прыдумалі персанажы?
Новая цікавая місія, тэатральнае прадстаўленне, супрацоўніцтва і супрацьстаянне з героямі!
У праграме:
Падрабязнасці па спасылцы.
Сумесныя праекты ядзерных тэхналогій.
