Вы тут

Беларусь супраць маршу памяці «праклятых салдат»


З 2011 года 1 сакавіка ў Польшчы адзначаецца дзень памяці так званых «праклятых салдат», якія, адпаведна з афіцыйнай трактоўкай, пасля заканчэння Другой сусветнай вайны працягвалі барацьбу за незалежнасць Польшчы. Але ад гэтых узброеных атрадаў, што вялі антыкамуністычную барацьбу, моцна цярпела мірнае насельніцтва. У прыватнасці, атрад капітана Рамуальда Райса (па мянушцы Буры) у пасляваенныя гады здзейсніў шматлікія забойствы, крадзяжы і здзекі з праваслаўнага насельніцтва — у большасці — этнічных беларусаў, якія жылі на тэрыторыі Польшчы. Так, у 1946 годзе падчас рэйду ў Падляшшы гэтым узброеным фарміраваннем было спалена пяць вёсак, забіта 79 мірных жыхароў.


Намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па міжнародных справах і нацыянальнай бяспецы Алег Гайдукевіч заўважыў, што беларускія дэпутаты не могуць пакінуць без увагі тое, што ў польскай Гайнаўцы збіраюцца правесці пяты марш памяці «праклятых салдат» і пры гэтым будуць згадваць у тым ліку і бандытаў, якія здзяйснялі забойствы этнічных беларусаў: «Дазвол такіх маршаў непрымальны ні для якой цывілізаванай краіны, асабліва для тых, якія самі вельмі моцна пацярпелі ад фашызму, нацызму. Мы не можам маўчаць, тым больш таму, што ў апошнія гады асабліва ўмацавалі нашы ўзаемаадносіны з польскімі калегамі, у тым ліку з польскім сеймам, па розных пытаннях: эканамічных, палітычных. Нашы краіны звязвае агульная гісторыя, і мы павінны пра гэта памятаць. Беларусь — краіна, якая будзе заўжды шанаваць памяць пра Вялікую Айчынную вайну і заўсёды называць рэчы сваімі імёнамі. Ніколі калабаранты, нацысты не будуць для нас героямі. Мы ніколі не перапісвалі сваю гісторыю і рабіць гэтага не будзем». Трэба сказаць, што беларускі бок ужо не аднойчы заяўляў пра сваё абурэнне і нязгоду наконт правядзення падобных мерапрыемстваў у суседняй краіне. У той жа час Алег Гайдукевіч выказаў падзяку польскім палітыкам і грамадскім дзеячам, якія таксама выступілі супраць Гайнаўскага маршу, і звярнуліся са сваёй заявай у пракуратуру Польшчы.

Міністэрства замежных спраў Беларусі выказала, у сваю чаргу, шкадаванне, што такое магчыма там, дзе людзі ў поўнай меры перажылі наступствы фашызму.

Алена ДЗЯДЗЮЛЯ

Прэв'ю: spzh.news

Выбар рэдакцыі

Грамадства

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Андрэй Худык: Неабходная мабілізацыя ўсіх узроўняў улады, грамадства і бізнесу для сумесных дзеянняў па ахове прыроды

Ад таго, наколькі беражліва людзі ставяцца да прыроды, залежыць якасць іх жыцця, здароўе і нават дабрабыт. 

Грамадства

У зоне павышанай небяспекі. Як працуе выбуховатэхнічны цэнтр унутраных войскаў МУС

У зоне павышанай небяспекі. Як працуе выбуховатэхнічны цэнтр унутраных войскаў МУС

Пра асаблівасці работы мы пагутарылі з намеснікам начальніка ўстановы Максімам Кулем.

Грамадства

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Стаўленне «выкарыстаў — выкiнуў» трэба мяняць на «адсарцiраваў — перапрацаваў»

Пахаванне адходаў — самы просты i танны спосаб пазбавiцца ад iх, аднак ён шкодзiць наваколлю i здароўю чалавека.

Грамадства

Новы кантэнт для лета. Чым заняць дзяцей на 92 днi

Новы кантэнт для лета. Чым заняць дзяцей на 92 днi

У перыяд летніх канікулаў для школьнiкаў i студэнтаў падрыхтаваны розныя цiкавыя мерапрыемствы, у тым лiку шмат з iх — анлайн.