Аператыўнікі БЭЗ Баранавіцкага РАУС раскрылі злачынную махінацыю ў сферы спартыўнай адукацыі. Пад падазрэннем у махлярстве - 61-гадовы выкладчык фізкультуры гарадской школы, паведамілі на сайце МУС.
У 2018 годзе мужчына захацеў павялічыць даход і ўладкаваўся на паўстаўкі ў дзіцяча-юнацкую спартыўную школу трэнерам дзюдо. Весці заняткі педагог павінен быў на базе сельскай школы, аднак па нейкіх прычынах ездзіў ён туды не заўсёды
У Баранавіцкім РАУС высветлілі, што выкладчык незаконна атрымліваў зарплату ў ДЮСШ за тыя гадзіны, якія ў рэчаіснасці не адпрацоўваў. Па дакументах ён трэніраваў, а на самай справе вёў фізкультуру ў гарадской школе ці займаўся асабістымі справамі. Фікцыя расцягнулася на ўвесь навучальны год.
Вынікі праверкі міліцыі перададзеныя ў Следчы камітэт для дачы прававой ацэнкі.
Пакуль шкода ад дзеянняў фігуранта складае крыху больш за 400 рублёў. Аднак сума можа апынуцца не канчатковай - аператыўныя мерапрыемствы працягваюцца.
Сумесныя праекты ядзерных тэхналогій.