Вы тут

Новыя віды пахавальнага абраду выяўлены навукоўцамі БДУ


Яны адносяцца да другой паловы Х – першай паловы XI стагоддзя раннесярэднявечнага насельніцтва Паўночнай Беларусі. Даследаванні праведзены супрацоўнікамі кафедры сацыяльна-гуманітарных навук і ўстойлівага развіцця МДЭІ ім. А.Д. Сахарава Мікалаем Плавінскім і Марыяй Сцяпанавай, паведамілі ў прэс-службе ўніверсітэта.


Да цяперашняга часу ў археалагічнай навуцы былі вядомыя толькі курганныя пахаванні крывічаў, выкананыя паводле абраду крэмацыі або інгумацыі (практыка пахавання цела нябожчыка ў процілегласць пакіданню яго на паверхні і крэмацыі; пахаванне магло рабіцца ў выкапанай яме ці склепе, натуральным ці пабудаваным) канца I – пачатку II тысячагоддзя нашай эры.

У выніку археалагічных даследаванняў каля вёскі Наўры Мядзельскага раёна навукоўцамі выяўлены бескурганныя пахавання паводле абраду крэмацыі.

Дадзены тып пахавання на тэрыторыі рассялення крывічаў быў знойдзены ўпершыню і датуецца другой паловай X – пачаткам XI стагоддзя. Знаходка суправаджалася адпаведным інвентаром: ляпнымі гаршкамі і аплаўленымі ўпрыгожваннямі з каляровага металу і шкла. Трэба дадаць, што комплекс пахавальных помнікаў крывічаў у Наўры даследуецца археолагамі ўжо працяглы час, пачынаючы з 1934 года. Аднак новы від выяўлены ўпершыню ў выніку праведзеных работ на тэрыторыі некропалю Наўры II.

Таксама навукоўцамі БДУ вылучана гіпотэза аб існаванні бескурганных пахаванняў, выкананых па абраду інгумацыі. Заснаваная яна на выніках археалагічных даследаванняў ва ўрочышчы Рог на беразе возера Чарствяды ва Ушацкім раёне. Тут знойдзена пахаванне дзяўчынкі, над якім, верагодна, не быў зроблены насып. Датуецца яно першай паловай ХІ стагоддзя. У будучыні палявым сезоне навукоўцы змогуць дакладна ўстанавіць існаванне такой пахавальнай традыцыі ў раннесярэднявечнага насельніцтва Паўночнай Беларусі. Пацверджанне гіпотэзы дазволіць лічыць археалагічны помнік самым раннім бескурганным магільнікам з пахаваннямі па абраду інгумацыі на тэрыторыі Полацкай зямлі.

Сяргей РАСОЛЬКА

Фота прэс-службы БДУ

Выбар рэдакцыі

Палітыка

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы (дапоўнена)

Лукашэнка: Космас — лакмусавая папера, якая дапамагае ацаніць магчымасці і здольнасці дзяржавы (дапоўнена)

Прэзідэнт Беларусі і дырэктар карпарацыі «Раскосмас» абмяркавалі сумесныя беларуска-расійскія праекты ў касмічнай сферы

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.

Грамадства

Мінпрацы — пра зарплаты бюджэтнікаў

Мінпрацы — пра зарплаты бюджэтнікаў

Спецыялісты Міністэрства працы і сацыяльнай абароны ў анлайн-рэжыме адказалі на некаторыя пытанні, звязаныя са змяненнем умоў аплаты працы работнікаў бюджэтных арганізацый з 1 студзеня 2020 года.

Спорт

Малады батутыст Іван Літвіновіч: Я зламаў сківіцу сваім жа каленам

Малады батутыст Іван Літвіновіч: Я зламаў сківіцу сваім жа каленам

Як хлопец з Вілейкі абыгрывае славутых кітайцаў.