Даследаванні адзначаюць, што больш за палову дарослых людзей сутыкаліся з сігналамі, якія рана паказвалі на анкалагічны працэс. Але толькі 2 % з іх знаходзілі такую сувязь і своечасова звярталіся да ўрача. Спецыялісты ж сцвярджаюць, што нават калі такія сімптомы здаюцца бяскрыўднымі, пра іх усё ж варта паведаміць урачу і правесці адпаведнае абследаванне. Бо захворванне, выяўленае на пачатковай стадыі, мае высокія шанцы на поўнае лячэнне.
Пакашліванні, якія ўзнікаюць перыядычна, рэдка становяцца падставай для хвалявання. Аднак, калі кашаль паўтараецца з зайздроснай рэгулярнасцю, становіцца няспынным і пакутлівым, з'яўляецца кроў, трэба адразу ж звяртацца да ўрача. Па-першае, такі сімптом разам з іншымі характэрнымі прыкметамі (пахудзеннем, слабасцю, пастаяннай субфебрыльнай тэмпературай) можа сігналізаваць аб раку лёгкіх.
Па-другое, калі нават гэта акажацца не рак, такі кашаль на пустым месцы не ўзнікае — гэта можа быць бранхіт, пнеўманія ці іншыя не менш небяспечныя паталогіі, якія варта вылечыць як мага хутчэй.
Туалетныя праблемы
Складанасці з мочаспусканнем і змены стула чалавек рэдка інтэрпрэтуе ў бок сур'ёзнай паталогіі. Звычайна спісваюць усё на няправільнае харчаванне і пераахаладжэнне. Мінусам з'яўляецца і той факт, што праблемы гэтыя могуць быць перыядычна: спачатку баліць, затым — усё добра. З-за гэтага паход да ўрача зацягваецца. І дарэмна. Бо, напрыклад, збоі ў мочаспусканні, прысутнасць кропель крыві павінны наводзіць на думку, што маецца інфекцыя мочавыдзяляльных шляхоў. Калі ж далучаецца боль у паясніцы, варта як мага хутчэй наведаць уролага ці тэрапеўта. Цалкам магчыма, што праз такія сімптомы праяўляе сябе рак ныркі.
Калі ўзнікаюць праблемы з апаражненнем кішэчніка, таксама не варта грэбаваць візітам да спецыяліста. Усё, што датычыцца працы кішэчніка, злучана і з імунітэтам, бо ахоўныя сілы арганізма фармірюцца па большай частцы ў гэтым органе.
Нярэдка бывае так, што ў чалавека адзначаюцца болі — пастаянныя, ныючыя, раздражняльныя. Але ён паспявае так да іх прывыкнуць, што яны становяцца для яго нечым звычайным. Аднак пастаянныя болі ў залежнасці ад месца сваёй лакалізацыі, безумоўна, паказваюць на паражэнне таго ці іншага органа! Так, напрыклад, калі доўга баліць у грудзях, варта абследавацца на рак лёгкіх або грудзей. Болі ў жываце — нагода праверыць палавую сферу і кішэчнік.
На целе чалавека раны ўзнікаюць даволі часта. Прычынай можа быць усё што заўгодна. Аднак тут важна паназіраць за тым, каб рана загаілася своечасова. Урачы ў сярэднім адводзяць да трох тыдняў на поўнае гаенне. Калі ж гэты тэрмін зацягваецца, варта наведаць урача. Такія незагойныя язвы могуць паказваць на наяўнасць ракавых пухлін.
Калі пад скурай чалавека адзначаецца нейкае ўшчыльненне або развіваецца невялікая тлушчавая праслойка — напрыклад, на месцы лімфавузлоў, варта звярнуцца да ўрача і зрабіць УГД, бо так цалкам можа праявіць сябе рак. Варта праверыцца крыху раней, каб можна было прыняць меры, паколькі, напрыклад, анкалагічнае новаўтварэнне лімфавузлоў цягне хуткае распаўсюджванне злаякасных клетак з токам крыві па ўсім арганізме. Следствам такога метастазіравання можа быць множны рак.
Алена КРАВЕЦ
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
