Вы тут

Чаму кандыдаты падчас перадвыбарнай гонкі сыходзяць з дыстанцыі?


Рэгістрацыя аднаго з 560 зарэгістраваных кандыдатаў у дэпутаты скасавана, некалькі кандыдатаў знялі свае кандыдатуры з далейшага ўдзелу ў выбарах. Такая інфармацыя прагучала ў відэазвароце старшыні Цэнтральнай камісіі Беларусі па выбарах і правядзенні рэферэндумаў Лідзіі ЯРМОШЫНАЙ на сайце ЦВК.


Кандыдаты пакідаюць выбарчую гонку перш за ўсё таму, што некаторыя з іх не ведаюць усіх умоў, у якія ставіць грамадзяніна яго становішча зарэгістраванага кандыдата.

«Неабходнасць сысці ў водпуск — сацыяльны ці чарговы — паколькі на працягу месяца да дня выбараў кандыдат у дэпутаты мусіць знаходзіцца па-за месцам работы. Выключэнне — старшыня Палаты прадстаўнікоў Нацыянальнага сходу Беларусі». Лідзія Ярмошына растлумачыла, што некаторыя кандыдаты не былі гатовыя выконваць такое патрабаванне, не хочуць пакідаць рабочае месца і знімаюцца з рэгістрацыі.

«Тым не менш спадзяюся, што большая частка пройдзе ўвесь гэты шлях і іх прозвішчы будуць уключаны ў бюлетэні для галасавання. Ужо больш за 55 працэнтаў кандыдатаў — больш за трыста — адкрылі фінансавыя рахункі для пералічэння сродкаў у асабістыя выбарчыя фонды», — дадала старшыня Цэнтрвыбаркама.

Максімальны памер кожнага фонду не павінен перавышаць тысячы базавых велічынь, што складае 25 500 рублёў. Мінімальны памер узносаў неабмежаваны: грамадзяне могуць уносіць у выбарчы фонд кандыдата не больш за пяць базавых велічынь, а арганізацыі і юрыдычныя асобы — не больш за дзесяць. Фонд цалкам альбо часткова можа быць утвораны самім прэтэндэнтам на месца ў парламенце.

Сродкі фонду накіроўваюцца перш за ўсё на стварэнне друкаванай прадукцыі, набыццё дадатковага эфірнага часу і газетнай плошчы, аплату іншых рэкламных мерапрыемстваў. Раздача падарункаў альбо матэрыяльных каштоўнасцяў падчас перадвыбарных мерапрыемстваў забаронена, падкрэсліла кіраўнік камісіі.

Па яе словах, частка кандыдатаў падала заявы на правядзенне грамадска-масавых мерапрыемстваў. Больш за ўсё ахвотных правесці мерапрыемства на адкрытым паветры — у Мінску, Гомельскай і Гродзенскай абласцях. А вось у Магілёўскай, нягледзячы на «конкурс» пяць чалавек на месца, — толькі адна заяўка. Праўда, адразу на 130 мерапрыемстваў. Малаактыўныя пакуль і кандыдаты ў дэпутаты на тэрыторыі Віцебскай вобласці.

«Усе мерапрыемствы, якія праводзяцца на вуліцах, адбываюцца дастаткова свабодна. Кандыдаты ў дэпутаты проста даводзяць да ведама мясцовых уладаў, дзе і калі будуць праводзіць мерапрыемства. Як правіла, месцы заяўляюцца як «рэзерв», як магчымасць праводзіць там пікеты ці сустрэчы з выбаршчыкамі», — адзначыла Лідзія Ярмошына. Запрасіць выбаршчыкаў на «спатканне» кандыдаты могуць з дапамогай сацыяльных сетак і друкаванай прадукцыі.

Тым часам сустрэчы ў закрытых памяшканнях больш за ўсё плануюць прэтэндэнты на дэпутацкі мандат ад Мінскай і Гродзенскай абласцей. Інфармацыя аб гэтых сустрэчах павінна даводзіцца да ведама выбаршчыкаў акруговымі выбарчымі камісіямі, у сродках масавай інфармацыі ці на сайтах мясцовых органаў улады, праз аб'явы на інфармацыйных дошках.

Запрашэнні на выбары і інфармацыйныя матэрыялы выбаршчыкі атрымаюць 7 лістапада, за дзесяць дзён да выбараў. Перыяд датэрміновага галасавання пачнецца 12 лістапада. Выбары ў Палату прадстаўнікоў прызначаны на нядзелю, 17 лістапада.

Варвара МАРОЗАВА

Выбар рэдакцыі

Эканоміка

Усё, што трэба ведаць пра змены ў Жыллёвым кодэксе

Усё, што трэба ведаць пра змены ў Жыллёвым кодэксе

Мы паспрабавалі адшукаць самыя вострыя вуглы новаўвядзенняў і ўявіць, як будзе працаваць гэты дакумент пачынаючы з 2020 года.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Як запрасіць чалавека, каб ён не прыйшоў, і знойдзены кашалёк.

Грамадства

Як пенсіянерка з Гомеля купіла набор каструль па цане патрыманай іншамаркі

Як пенсіянерка з Гомеля купіла набор каструль па цане патрыманай іншамаркі

Усё, як у казцы: прыгожая зала, музыка, пачастункі. Абаяльныя людзі распавядаюць аб правільным харчаванні і рэкламуюць свой тавар...

Грамадства

714 тысяч тон адходаў для перапрацоўкі сабралі летась беларусы

714 тысяч тон адходаў для перапрацоўкі сабралі летась беларусы

Гэта адходы шкла, паперы, пластыку, шын, батарэек, машыннага масла...