Вы тут

У Белавежскай пушчы затрыманы каратысты з Алжыра


Некалькі дзён таму ў Гомелі праходзіў Адкрыты міжнародны турнір па каратэ, у якім прыняло ўдзел каля 1000 спартсменаў сямі краін. Павінна была быць сярод іх і група каратыстаў з Алжыра. Аднак замест спаборніцтваў на татамі яны абралі іншы від «спаборніцтваў» — бег па перасечанай мясцовасці. А ў сапернікі сабе абралі брэсцкіх пагранічнікаў.


Спартсмены з поўначы Афрыкі прыбылі ў Беларусь цалкам легальным спосабам, але, мабыць, яшчэ ў сябе на радзіме вырашылі, што з тэрыторыі Беларусі змогуць збегчы ў Еўропу і больш не вяртацца дадому. Замест Гомеля яны прыехалі ў Брэст, затым накіраваліся ў пушчу. З дапамогай карты выбралі зручнае, на іх погляд, месца для перасячэння мяжы, пералезлі цераз сігналізацыйны комплекс і працягнулі рух у бок Польшчы.

Пагранічнікі зрэагавалі на работу сігналізацыі і адправіліся шукаць няпрошаных гасцей. Тыя спрабавалі схавацца, але арыентацыю на мясцовасці хутка прайгралі і былі затрыманыя.

Кожны з парушальнікаў атрымаў буйны штраф за парушэнне памежнага рэжыму і спробу парушэння Дзяржаўнай мяжы. У найбліжэйшы час замежнікі будуць дэпартаваныя за свой жа кошт з забаронай уезду на тэрыторыю Рэспублікі Беларусь тэрмінам на 5 гадоў. Аб кубках і перамогах у нашай краіне ім прыйдзецца на гэты час забыцца.

Канстанцін ЛЮТКЕВІЧ

Выбар рэдакцыі

Грамадства

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску ў Індустрыяльным парка «Вялiкi камень» з грандыёзным размахам. 

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.