Прэм'ер-міністрам Румыніі прызначаны лідар Нацыянальнай ліберальнай партыі Людовік Орбан, паведамляе румынская газета Libertatea.
Прэзідэнт Румыніі Клаус Ёханіс прызначыў прэм'ер-міністра ў канцы перамоваў з лідарамі парламенцкіх партый.
Парламент Румыніі 10 кастрычніка вынес вотум недаверу ўраду на чале з Віёрыкай Дэнчылэ. За адстаўку кабінета на сумесным пленарным пасяджэнні, якое ў прамым эфіры транслявалася асноўнымі румынскімі тэлеканаламі, выказаліся 238 дэпутатаў і сенатараў. Чатыры чалавекі былі супраць. Каб адправіць урад у адстаўку, патрабавалася мінімум 233 галасы.
Цяпер у 10-дзённы тэрмін Людовік Орбан павінен прадставіць у парламенце састаў і праграму новага кабінета і атрымаць вотум даверу.
Фота ў мініяцюры: alchetron.com
Сумесныя праекты ядзерных тэхналогій.
