Вы тут

Асобы з абмежаванымі фізічнымі магчымасцямі без праблем змогуць прагаласаваць


Прадстаўнікі абласных і Мінскага гарадскога выканаўчых камітэтаў на чарговым пасяджэнні Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў абмеркавалі стварэнне дадатковых умоў для ўдзелу ў выбарах асоб з абмежаванымі фізічнымі магчымасцямі. Пра гэта паведамляе сайт ЦВК.


Фота: rec.gov.by

На пасяджэнні Цэнтральнай камісіі выступілі і прадстаўнікі Беларускага таварыства інвалідаў, Беларускага таварыства інвалідаў па зроку, Беларускага таварыства глухіх.

— Безбар'ернае асяроддзе ж не ствараецца адмыслова пад выбары, гэта агульная гуманізацыя грамадства, — пракаментавала журналістам тэму пасяджэння старшыня Цэнтрвыбаркама Лідзія Ярмошына. — У краіне павінны максімальна стварацца ўмовы для ўдзелу інвалідаў у грамадскім жыцці. Таму Цэнтральная камісія проста будзе прасіць, каб усе ўчасткі для галасавання ў асноўным размяшчаліся на першых паверхах, каб уваходы ў будынак былі абсталяваны пандусамі, калі гэта неабходна, каб ствараліся спецыяльныя месцы для галасавання інвалідаў-калясачнікаў.

Мясцовыя ўлады і выбарчыя камісіі забяспечаць дзяжурства валанцёраў, якія будуць дапамагаць выбаршчыкам з абмежаванымі фізічнымі магчымасцямі, пажылым людзям. Грамадзяне, якія слаба бачаць, змогуць скарыстацца лупамі і трафарэтамі.

— Больш за 97 тысяч выбаршчыкаў у нас галасуюць па месцы знаходжання, — паведаміў начальнік галоўнага ўпраўлення арганізацыйна-кадравай работы Віцебскага аблвыканкама Уладзімір Давыдоўскі. — Да цяперашніх выбараў 76,4 працэнта выбарчых участкаў абсталяваны элементамі безбар'ернага асяроддзя. Акрамя таго, для галасавання інвалідаў-калясачнікаў будуць абсталяваны сталы з шырмамі на 687 участках.

Начальнік галоўнага ўпраўлення арганізацыйна-кадравай работы Гомельскага аблвыканкама Дзмітрый Ражкоў расказаў пра сітуацыю на Гомельшчыне:

— У нас 1009 участкаў для галасавання. 691 з іх адпавядае патрабаванням безбар'ернага асяроддзя — гэта больш, чым было падчас папярэдніх выбарчых кампаній.

На пасяджэнні ЦВК былі таксама разгледжаны пытанні функцыянавання Інфармацыйнага цэнтра 17—18 лістапада 2019 года. Ён будзе арганізаваны ў будынку Палаца Рэспублікі.

Участкі для галасавання, утвораныя за межамі Рэспублікі Беларусь, пры правядзенні выбараў дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання прыпісаныя да Купалаўскай выбарчай акругі № 95.

Нагадваем, што выбары ў Палату прадстаўнікоў прызначаны на 17 лістапада.

Вольга МЯДЗВЕДЗЕВА

Загаловак у газеце: Даступнае права голасу

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.