Вы тут

У Мінску прайшоў перадапошні канцэрт «Класікі ля Ратушы»


На чарговым канцэрце ў сталічным Верхнім горадзе загучаць Эдвард Грыг, Фрыдэрык Шапэн, Клод Дэбюсі, а на вялікім экране будзе паказаны натхнёны «Карцінкамі з выстаўкі» Мадэста Мусаргскага анімацыйны фільм. Перадапошні вечар фестывалю павінны зрабіць Дзяржаўны камерны аркестр Беларусі і беларускі піяніст-віртуоз Цімур Сергееня. Сёлетняй «Класікі ля Ратушы» засталося няшмат.


Першай часткай канцэрта стане выкананне аркестрам Моцарта, Грыга, Чайкоўскага і, апроч гэтага, тых самых «Карцінак з выстаўкі» Мусаргскага ў аркестроўцы Юлія Туроўскага — віяланчэліста і дырыжора, які заснаваў І Musісі dе Mоntreаl Сhаmbеr Оrсhеstrа, што існуе і дае канцэрты дагэтуль. Падчас выканання Мусаргскага на вялікім экране будзе паказвацца фільм «Танцуючыя малюнкі з выстаўкі» дачкі Юлія Туроўскага — мастачкі Наталлі Туроўскай, што якраз натхнілася гэтым цыклам п'ес.

Ужо сталы ўдзельнік «Класікі ля Ратушы» беларус Цімур Сергееня — між іншым, прафесар Вышэйшай школы мастацтваў Каралеўскай кансерваторыі Гента ў Бельгіі — гэтым разам будзе саліраваць: у другой частцы канцэрта ён выканае Шапэна, Рахманінава, Ліста, Дэбюсі, Мендэльсона ды іншых.

Апроч сённяшняга, у Мінску пройдзе яшчэ адзін класічны канцэрт у рамках «Класікі ля Ратушы» — 31 жніўня пад адкрытым небам сыграе беларускі Прэзідэнцкі аркестр і завершыць «сезон».

Нагадаем, сёлетні фестываль — пяты, юбілейны, таму канцэрты былі арганізаваныя ў пяці беларускіх гарадах. Апроч Мінска, музычныя калектывы сыгралі ў Віцебску, Гродне, Брэсце і Гомелі.

Як звычайна, уваход на канцэрт — бясплатны. Прылучыцца да выступленняў можна таксама праз відэасэрвіс VОKА, дзе вядуцца прамыя трансляцыі мінскіх канцэртаў і захоўваюцца іх запісы. Фестываль арганізуецца пры падтрымцы кампаніі А1 і Мінгарвыканкама.

Сафія ПАЛЯНСКАЯ

Загаловак у газеце: Горад гучыць

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.