Вы тут

Танцы ў амфітэатры: у Віцебску адбыўся самы доўгі канцэрт «Славянскага базару-2019»


Ад змяркання да світання — гэта не толькі пра фільм Квенціна Таранціна, але і пра канцэрт улюбёнцаў моладзі «Europa Plus TV. Hit Non-Stop у Віцебску», які прайшоў у ноч на 15 ліпеня, доўжыўся амаль чатыры гадзіны і скончыўся на пачатку сёмай раніцы.


Можна доўга спрачацца, ці належыць Вольга Бузава альбо гурт Rasa з хітом «Танцы пад ліхтаром» да культуры і мастацтва, але факт застаецца фактам: гэтыя выканаўцы «ірвуць» радыёэфіры і пайменна вядомыя сотням тысяч падлеткаў і маладых людзей на рускамоўнай прасторы. Зрэшты, самі артыста сцвярджалі на папярэдняй прэс-канферэнцыі, што сярод іх прыхільнікаў ёсць і зусім маленькія дзеці, і сталыя людзі ва ўзросце 40+, але на канцэрт сабралася ўсё ж пераважна моладзь. 

Гледачоў не спыніла нават гадзінная затрымка музычнага марафону і звыкла халодная віцебская ноч. Уласна, некаторыя куміры таксама напружыліся дзеля гэтай сустрэчы: так, Вольга Бузава прыляцела і прыехала на перакладных ажно з Навасібірска, дзе праходзіў папярэдні канцэрт, а ўкраінец Monatik яшчэ ўчора выступаў у Адэсе. Як дома сябе адчуваў хіба рэпер Cygo — уласна, яно практычна так і было, бо гэты хлопец наш зямляк, беларускі цыган, ураджэнец Магілёва. Ды яшчэ спявак Alekseev, вытрымаўшы паўзу пасля леташняга правальнага выступлення на «Еўрабачання», прызнаваўся, што сумаваў па беларускай публіцы і вельмі рады зноў выступаць тут.

Больш як 50 песень, эпатажныя танцы і «фанера» — кагосьці з публікі канцэрт расчараваў, а хтосьці застаўся задаволены ўжо тым, што жыўцом убачыў Бузаву, нягледзячы нават на тое, што спявачка выступіла на досвітку, выканала дзве песні і імкліва сышла са сцэны. У наступным годзе, як плануюць арганізатары канцэрту, праект «Europa Plus TV. Hit Non-Stop» зноў прыедзе ў Віцебск з ужо раскручанымі і новымі артыстамі.

Вікторыя ЦЕЛЯШУК

Фота Ганны ЗАНКАВІЧ

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.