Вы тут

Духавы аркестр Вілейскай дзіцячай школы мастацтваў адсвяткуе юбілей


У наступным годзе ўзорны духавы аркестр Вілейскай дзіцячай школы мастацтваў святкуе 30-гадовы юбілей. З гэтай нагоды яго ўдзельнікі рыхтуюць вялікі канцэрт.


Ніводнае значнае мерапрыемства ў Вілейцы, ды і наогул у вобласці, не абыходзіцца без удзелу гэтага калектыву. Літаральна ўвесь горад збіраецца, каб паглядзець яго выступленне ў суправаджэнні групы мажарэтак, якія з'яўляюцца неад'емнай часткай аркестра, школы і іх упрыгожаннем. Мажарэткі — гэта памочніцы тамбурмажора, галоўнага барабаншчыка. Звычайна яны маршыруюць у прыгожай форме. Найбольш часта — у кароткіх спадніцах з галунамі і ўпрыгожаннямі, у руках жэзлы або барабаны, якія адбіваюць рытм.

Створаны аркестр у 1989 годзе Фёдарам Гурай. Калектыў — стыпендыят спецыяльнага фонду Прэзідэнта Рэспублікі Беларусь па падтрымцы таленавітай моладзі. Дзесяць апошніх гадоў мастацкім кіраўніком і дырыжорам яго з'яўляецца Валерый Чачулін. За гэты час аркестр тройчы пацвярджаў званне «ўзорны», у 2019 годзе рыхтуецца зноў яго абараніць. За апошнія гады аркестр перажыў шмат узрушальных і адказных момантаў, падзей, прымаў удзел у многіх мерапрыемствах рэспубліканскага і міжнароднага ўзроўняў. Напрыклад, у Першым Нацыянальным фестывалі духавых аркестраў «Фанфары Беларусі» стаў лаўрэатам у намінацыі «Дзіцячыя калектывы».

А наогул, у аркестра столькі ўзнагарод, што іх пералік склаў бы не адну старонку.

Узрост удзельнікаў — ад 10 і да 63 гадоў (гэта некалькі педагогаў, якія дапамагаюць мастацкаму кіраўніку і іграюць у аркестры).

У рэпертуары — у асноўным маршы, гімн. Калектыў не стаіць на месцы, развіваецца, выкарыстоўвае музыку беларускіх кампазітараў. Яго задача перш за ўсё — папулярызаваць айчыннае песеннае мастацтва. Яшчэ адзін кірунак — сучасная джазавая музыка.

Вядома, далёка не ўсе выхаванцы стануць прафесіяналамі, знакамітымі музыкантамі. Аднак, лічыць мастацкі кіраўнік, удзел у аркестры дапаможа іх станаўленню, дысцыплінуе. Юным музыкантам уласціва перш за ўсё пачуццё таварыскасці, калектывізму.

Таццяна ЛАЗОЎСКАЯ

Загаловак у газеце: Па галоўнай вуліцы з аркестрам

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.