Сёлета першы этап традыцыйна прымае славенская Паклюка. Кубак свету стартуе з сінгл-мікста і змешанай эстафеты. Усяго ж у гэтым сезоне спартсмены будуць спаборнічаць на дзевяці этапах, акрамя Славеніі іх прымуць Аўстрыя, Чэхія, Германія, Італія, Канада, ЗША і Нарвегія. Чэмпіянат свету па біятлоне пройдзе ў шведскім Эстэрсундзе з 7 да 17 сакавіка 2019 года.
Склад зборнай Беларусі на этапе Кубка свету ў Славеніі выглядае наступным чынам: Сяргей Бачарнікаў, Уладзімір Чапелін, Раман Ялётнаў, Антон Смольскі, Максім Варабей, Ірына Крыўко, Дынара Алімбекава, Ганна Сола і Дар'я Юркевіч.
Першы этап Кубка свету па біятлоне ў Славеніі працягнецца 5 снежня індывідуальнай гонкай у мужчын. 6 снежня ў такой жа дысцыпліне выступяць жанчыны. На 7 снежня запланаваны мужчынскі спрынт, а на 8 снежня — жаночы. 9 снежня адбудуцца гонкі пераследу.
Дар'я ЛАБАЖЭВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
