Вікторыя Азаранка выйграла чарговы турнір у кар'еры і вярнулася ў топ-10 найлепшых тэнісістак планеты, беларускія біятланісты завяршылі выступленне на Кубку свету, і нарэшце сталі вядомыя фіналісты чэмпіянату краіны па хакеі. Пра самыя актуальныя навіны спорту — у штотыднёвым аглядзе «Звязды».
1. Вікторыя Азаранка другі раз за сваю кар'еру стала пераможніцай турніру катэгорыі «Прэм'ер» у амерыканскім Індыян-Уэлсе (прызавы фонд — $6 млн). У фінальным паядынку, які працягваўся паўтары гадзіны, беларуска сустрэлася з першай ракеткай свету амерыканкай Серэнай Уільямс. Вікторыя паказала выдатную гульню і перамагла ў двух сэтах — 6:4, 6:4. Адзначым, што ў 20 папярэдніх матчах Азаранка толькі тройчы перамагала грозную амерыканку.
Прэзiдэнт Беларусi, прэзiдэнт Нацыянальнага алiмпiйскага камiтэта Аляксандр Лукашэнка павiншаваў члена нацыянальнай каманды Беларусi па тэнiсе Вiкторыю Азаранку з перамогай на турнiры BNP Paribas Ореn.
«Уся краiна, мiльёны тваiх прыхiльнiкаў i аматараў тэнiса з замiраннем сэрца сачылi за цяжкiм i эмацыйным фiналам у Iндыян-Уэлсе памiж дзвюма наймацнейшымi тэнiсiсткамi планеты», — гаворыцца ў вiншаваннi. Кiраўнiк дзяржавы падзякаваў Вiкторыi Азаранцы за тое, што яна выстаяла ў гэтым супрацьстаяннi, праявiўшы найлепшыя якасцi беларускага народа.
У сацыяльных сетках з такім поспехам сваю суайчынніцу павіншавала не менш знакамітая беларуская спартсменка Дар'я Домрачава.
— Мае віншаванні Вікторыі! 6:4 — выдатная работа! Цудоўная гульня! — напісала Дар'я на сваёй старонцы.
Перамога на кортах Індыян-Уэлса дазволіла Вікторыі вярнуцца ў топ-10 сусветнага рэйтынгу, цяпер 26-гадовая беларуска займае 8-ы радок, лідарства па-ранейшаму ўтрымлівае Серэна Уільямс. Нагадаем, у гэтым сезоне Азаранка таксама выйграла спаборніцтвы ў аўстралійскім Брысбене, а ўсяго ў яе паслужным спісе 19 перамог на прафесійных турнірах пад эгідай ВТА.
2. Завяршыўся розыгрыш Кубка свету па біятлоне, апошні этап прайшоў у расійскім Ханты-Мансійску. У нядзелю з-за ўмоў надвор'я былі адменены дзве заключныя гонкі — жаночы і мужчынскі мас-старты.
Уладальнікам Вялікага хрустальнага глобуса ў мужчын стаў француз Мартэн Фуркад, у жанчын — Габрыэла Саўкалава з Чэхіі. Найлепшы вынік на Кубку свету ў зборнай Беларусі ў Надзеі Скардзіны — 19 месца ў агульным заліку.
Тым часам, куды лепшыя месцы заваёўваюць юніёры. Маладая беларуска Дар'я Блашко выйграла агульны залік юніёрскага Кубка ІБУ, Дар'я перамагла і ў заліку спрынтарскіх гонак. Прадстаўнік мужчынскай часткі юніёрскай каманды Віктар Крыўко стаў двухразовым чэмпіёнам Еўропы. На кантынентальным першынстве ў Паклюцы беларус услед за індывідуальнай гонкай выйграў і спрынт.
3. Няўдачы на міжнародных турнірах пацярпелі гандбалісты адразу двух вядучых клубаў краіны. Мінскі СКА спатыкнуўся ў паядынку групавога этапу розыгрышу Кубка ЕГФ, армейцы саступілі швейцарскаму «Вінтэртуру» з лікам 24:32. Гэта значна скараціла шанцы мінчан на выхад у плэй-оф, каб заняць другое месца ў групе і атрымаць магчымасць пропуску ў чвэрцьфінал, падапечным Спартака Мірановіча ў заключным матчы 27 сакавіка трэба абыграць французскі «Сен-Рафаэль».
Брэсцкі гандбольны клуб імя Мяшкова прайграў у хатнім матчы 1/8 фіналу Лігі чэмпіёнаў польскаму «Віве» з Кельцаў — 28:32. Паядынак у адказ пройдзе 26 сакавіка ў Польшчы.
— Каб праходзіць у чвэрцьфінал, нам трэба шмат працаваць. Пастараемся палепшыць нашу гульню і ў абароне, і ў нападзенні. Мне здаецца, што будзе вельмі цяжка. І павінен адбыцца цуд, каб мы абыгралі на выездзе «Віве» ў пяць мячоў, — адзначыў галоўны трэнер БГК Сяргей Бябешка.
4. Салігорскі «Шахцёр» і мінскае «Юнацтва» выйшлі ў фінал чэмпіянату Беларусі па хакеі ў экстралізе. Сталічныя хакеісты ў паўфінале аказаліся мацнейшымі за сапернікаў з Гродна, а хакеісты «Шахцёра» на шляху да фіналу абыгралі «Гомель».
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
