Вы тут

Мінск і Масква ў лістападзе абмяркуюць кампенсацыі з-за падатковага манеўра


Беларусь і Расія з лістапада прыступаюць да прапрацоўкі пытання памеру кампенсацый для беларускай эканомікі з-за падатковага манеўру ў нафтавай галіне РФ. Пра гэта сёння журналістам паведаміў намеснік прэм'ер-міністра Беларусі Ігар Ляшэнка, перадае БЕЛТА.


Першы тур сустрэч па падатковаму манеўру на ўзроўні віцэ-прэм'ераў пачнецца з 1 лістапада. "А да гэтага будуць працаваць рабочыя групы", - сказаў Ігар Ляшэнка.

Ён дадаў, што пасля завяршэння падатковага манэўру ў Расеі, калі ў Беларусь будзе пастаўляцца нафта без кампенсацый, краіна можа разглядаць пытанне паставак з іншых краін. "Пакуль існуючы механізм пастаўкі прадугледжвае пэўную льготнасць кошту нафты. Гэта добра для бюджэту, добра для прадпрыемстваў", - сказаў віцэ-прэм'ер.

Як паведамлялася, Беларусь і Расія да канца года прапрацуюць пытанне памеру кампенсацый. Як інфармаваў Ігар Ляшэнка, у расейскага боку ёсць разуменне, што такія кампенсацыі павінны быць. Дадаткова будуць прапрацоўвацца велічыня і механізм кампенсацый, удакладняў віцэ-прэм'ер. У Расіі ў рамках завяршэння падатковага манеўру ў нафтавай галіне будуць прадугледжаны ўнутраныя механізмы кампенсацый - бюджэтныя субсідыі нафтавікам. У Беларусі такога механізму цяпер няма. На перамовах абмяркуюць, як уніфікаваць гэтыя падыходы.

Выбар рэдакцыі

Хведар Чэрня. Сябра маёй вясны

Хведар Чэрня. Сябра маёй вясны

Радок на яго помніку спыняе і змушае задумацца.

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне.