Вы тут

Што за багацце было ў вясковай хаце?


Вершаваная замалёўка


Чугунок — галоўны ў печы!

Пахваліцца хіба нечым?

Пенка ў супе з малаком

Ды і бульбачка з дымком.

 

Кошык з накрыўкай... Глядзі ж,

Каб не ўбегла ў яго мыш!

Тут адлежвае бачок

Найсмачнейшы кумпячок.

 

Раней не ведалі канапы,

Лаўка вось, чатыры «лапы»,

Расцягнулася праз хату —

Дык і месца ж як багата!

 

Лямпа «ўключана», браточак,

Але цёмненькі куточак

А газніца ледзь блішчыць

Павячэраць — дый тушыць!

 

Па бялізне «бег» не раз

Паважны майстар прас.

Ён разгладзіў шаль, спадніцу,

Дык чаму б не весяліцца?

 

Куфар у хаце — гаспадар,

Каштоўных рэчаў уладар.

Замок вісіць, вуглы з дэкорам,

Увесь распісаны ўзорам.

 

Патэльню лоўка падняла

Сяброўка печы — чапяла.

Выглядае смешна, можа,

Ды з блінцамі дапаможа.

 

Масла лёгка нам купіць,

Было цяжэй у бойцы збіць.

Патрабавалася снароўка,

Каб біць смятану малатоўкай.

 

Торба — добрая падмога,

З ёю лёгкая дарога!

Напаўняй мяшэчак нечым

Ды ўскідвай на плечы.

 

Глечык з гліны менавіта —

Глянцавы ды самавіты.

Малако ў ім зберагалі

Роўна з краем налівалі.

Анастасія ЯРАХНОВІЧ

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.