Вы тут

Чэмпіянат па фотабёрдынгу пройдзе ў Брэсце


Грамадская арганізацыя “Ахова птушак Бацькаўшчыны” (АПБ) правядзе 7 кастрычніка ў Брэсце спаборніцтвы па фатаграфаванні птушак. Да ўдзелу ў VIII чэмпіянаце Беларусі запрашаюцца аматары фота и дзікай прыроды. Каб перамагчы ў спаборніцтвах, ім трэба будзе за пяць гадзін ( з 9.00 да 14.00) наздымаць як мага больш розных відаў птушак.


— Чэмпіянат па фотабёрдынгу вяртаецца ў Брэст. Два гады таму мы ўжо прымалі фотаанімалістаў з усёй краіны ў Брэсцкай крэпасці. Тады спаборніцтвы праводзіліся вясной, і ўдзельнікі паставілі рэкорд па колькасці сфатаграфаваных птушак – усяго сфатаграфавалі 81 від, а пераможца Валерый Кавалёнак —  59 відаў. Гэтыя рэкорды пакуль не пабітыя, — падкрэслівае супрацоўнік АПБ па прыродаахоўных пытаннях, каардынатар чэмпіянату Сямён ЛЕВЫ.  — Упэўнены, што і гэты, ужо восьмы,чэмпіянат прынясе свае сюрпрызы і папоўніць капілкі ўдзельнікаў цікавымі кадрамі, бо Брэст — адзін з самых прывабных для птушак гарадоў у Беларусі. У спаборніцтвах можна ўдзельнічаць нават з камерай мабільнага тэлефона! Галоўнае – сфатаграфаваць птушку не блізка і прыгожа, а так, каб была бачная хаця б адна характэрная прыкмета віду. Мы абяцаем цікавы маршрут у новым месцы! Які дакладна – абвесцім 1 кастрычніка на сайце ptushki.org.

Чэмпіянат па фотабёрдынгу пройдзе ў межах Восеньскіх дзён назірання за птушкамі EuroBirdwatch-2018.


Як запісацца на Чэмпіянат?

Спампаваць форму простай заяўкі, запоўніць яе і даслаць на адрас levy@ptushki.org.

Заяўкі прымаюцца да 17.00  пятніцы 5 кастрычніка. 

Можна ўдзельнічаць індывідуальна або ў камандзе з двух чалавек.

Удзел у чэмпіянаце бясплатны.

Па выніках будуць вызначаныя пераможцы і прызёры, таксама асобна будзе абраны найлепшы здымак. Як і на папярэдніх спаборніцтвах, журы можа ўвесці дадатковыя намінацыі і адзначыць яшчэ некалькі цікавых фота або ўдзельнікаў. Пераможцы атрымаюць прызы.


Даведка: 

Чэмпіянаты па фотабёрдынгу праходзілі чатыры разы ў Мінску, двойчы ў Гомелі і адзін раз у Брэсце. 

Грамадская арганізацыя "Ахова птушак Бацькаўшчыны" (АПБ) — найбуйнейшая прыродаахоўная грамадская арганізацыя Беларусі і з 2005 года — нацыянальны партнёр глабальнай прыродаахоўнай асацыяцыі "BirdLife International", у якую ўваходзяць арганізацыі са 121 краіны. АПБ — гэта больш за 2500 сябраў і валанцёраў і больш за 30 000 прыхільнікаў, 100 школьных клубаў і 14 мясцовых аддзяленняў па ўсёй краіне. Арганізацыя працуе дзеля захавання біяразнастайнасці і далучэння насельніцтва да актыўнай аховы прыроды.

Надзея НІКАЛАЕВА

Фота Анатоля КЛЕШЧУКА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…