Як паведамілі магілёўскія мытнікі, падазроны аўтамабіль спынілі ў Клімавіцкім раёне.
Пры аглядзе багажнага аддзялення службовы сабака па мянушцы Глорыя адрэагаваў на наркотыкі. Хутка ў дарожнай сумцы мужчыны былі знойдзены капсулы з парашкападобным рэчывам белага колеру і шпрыцы, а ў салоне — тры саджанцы, падобныя на каноплі. Экспертыза Упраўлення Дзяржаўнага камітэта судовых экспертыз па Магілёўскай вобласці пацвердзіла, што саджанцы сапраўды з'яўляюцца каноплямі, а знойдзенае рэчыва — асабліва небяспечны наркатычны сродак метадон.
Клімавіцкім раённым аддзелам Следчага камітэта Рэспублікі Беларусь распачата крымінальная справа, санкцыя артыкулаў прадугледжвае пакаранне ў выглядзе пазбаўлення волі на тэрмін ад пяці да дзесяці гадоў з канфіскацыяй маёмасці або без канфіскацыі.
Нэлі ЗІГУЛЯ
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
