20 Люты, аўторак

Вы тут

У 2017 годзе зарэгістравана 484 выпадкі захворвання на шаленства жывёл


Па інфармацыі Рэспубліканскага цэнтра гігіены, эпідэміялогіі і грамадскага здароўя, у 2017 годзе ў краіне былі зарэгістраваны 484 выпадкі захворвання на шаленства жывёл (гэта на 17 % менш у параўнанні з папярэднім годам). Лідзіравалі па гэтым паказчыку Гомельская і Мінская вобласці. Часцей за ўсё шаленства выяўлялася сярод лісіц і свойскіх жывёл (сабак і катоў), якія маюць гаспадароў.


Дзякуючы прафілактычнай рабоце, што праводзіцца рэспубліканскай санэпідслужбай, выпадкі захворвання на шаленства сярод насельніцтва не рэгістраваліся з 2012 года. Па аказанне антырабічнай дапамогі з прычыны кантактаў з жывёламі з падазрэннем на шаленства звярнулася за мінулы год каля 20 тысяч чалавек. Больш за 90 % з іх паведамлялі пра небяспечны кантакт са свойскімі жывёламі. Як высветлілася пазней, 500 чалавек насамрэч кантактавалі з хворымі жывёламі, у якіх шаленства было пацверджана лабараторна. З дзікіх жывёл часцей за ўсё людзі ўступалі ў кантакт з хворымі на шаленства лісамі. Са свойскіх — з сабакамі, якія маюць гаспадароў. Антырабічныя прышчэпкі супраць шаленства былі прызначаны 15 тысячам пацярпелых.

Зусім нядаўна, у студзені 2018 года, у Мінску ў кантакце з хворым на шаленства сабакам пароды канэ-корса знаходзіліся 22 чалавекі. Гэты факт расследавалі спецыялісты санэпідслужбы Мінска і Мінскай вобласці. Яны працавалі ў цесным кантакце з зацікаўленымі ведамствамі і ўстановамі. Былі праведзены ўсе неабходныя санітарна-супрацьэпідэмічныя мерапрыемствы, каб не дапусціць узнікнення выпадкаў захворвання на шаленства сярод людзей.

Медыкі нагадваюць, што шаленства забірае штогод жыцці больш як 50 тысяч чалавек на планеце. Таму ў выпадку непажаданага кантакту нават са знешне здаровай жывёлай — пасля ўкусу, атрымання драпін, пашкоджання скурных пакроваў, пападання сліны — трэба абавязкова звярнуцца да ўрача, пастарацца ізаляваць жывёлу і выклікаць спецыяліста ветэрынарнай службы для кансультацыі і назірання.

Надзея НІКАЛАЕВА

Загаловак у газеце: Шаленства трымае ў напружанні

Дадаць каментар

Выбар рэдакцыі

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў? 

Калейдаскоп

Як прайшоў фінал нацыянальнага адбору на «Еўрабачанне»

Як прайшоў фінал нацыянальнага адбору на «Еўрабачанне»

Беларусь на конкурсе прадставіць украінец ALEKSEEV.

Культура

«Бум культурных стартапаў стане новым вітком эканомікі»

«Бум культурных стартапаў стане новым вітком эканомікі»

Некалькі месяцаў таму адна з найпапулярнейшых сталічных вуліц Кастрычніцкая ўзбагацілася на яшчэ адно «тусовачнае» месца — «Ок16».

Калейдаскоп

Вясёлыя гісторыі чытачоў

Вясёлыя гісторыі чытачоў

Праславіў Някрасаў рускую жанчыну, на вякі праславіў!