Прэм'ер-міністр Андрэй Кабякоў уручыў дзяржаўныя ўзнагароды найлепшым прадстаўнікам працоўных калектываў падчас урачыстай цырымоніі ў Палацы Рэспублікі. Кожны са 130 узнагароджаных унёс вялікі ўклад у развіццё краіны.
Высокіх узнагарод удастоіліся дарожныя рабочыя, дзякуючы якім пабудавана другая кальцавая аўтамабільная дарога вакол Мінска. Паводле слоў Андрэя Кабякова, магістраль цалкам адпавядае еўрапейскім стандартам і з'яўляецца першай пасля 30-гадовага перапынку, на якой уладкавана бетоннае пакрыццё з выкарыстаннем цэменту айчыннай вытворчасці. Не забыліся і пра работнікаў холдынга «БелОМА», якія ўнеслі значны асабісты ўклад у развіццё аптычнага прыборабудавання. Падзякі Прэзідэнта таксама былі ўручаны і работнікам лясной галіны, многія з якіх прынялі актыўны ўдзел у ліквідацыі наступстваў урагану ў Мінскай вобласці, калі з-за разгулу стыхіі загінула каля 3,5 млн куб. м лесу.
Андрэй Кабякоў сваё выступленне завяршыў словамі Уінстана Чэрчыля: «Песіміст бачыць цяжкасць у кожнай магчымасці, аптыміст бачыць магчымасць у кожнай цяжкасці».
Ілья КРЫЖЭВІЧ
Фота БЕЛТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
