27 Чэрвень, аўторак

Вы тут

У сталіцы прайшоў першы рэспубліканскі кар'ерны форум


На мерапрыемства былі запрошаны прадстаўнікі вядомых айчынных і замежных кампаній — у выніку было прадстаўлена больш чым тры дзясяткі стэндаў. Форум наведалі больш за паўтары тысячы студэнтаў з розных ВНУ.


— Раней наш універсітэт праводзіў так званыя Дні кар'еры, — адзначыў рэктар БДУ Сяргей АБЛАМЕЙКА. — Але штогод колькасць ахвотных наведаць гэтыя мерапрыемствы, як з боку студэнтаў, так і работадаўцаў, павялічвалася. Таму мы дамовіліся з Міністэрствам адукацыі аб правядзенні форуму рэспубліканскага маштабу, на які запрасілі студэнтаў з іншых ВНУ. Наколькі мне вядома, паступіла нямала заявак з рэгіянальных універсітэтаў, ёсць і госці з замежжа: Арменіі, Італіі, Чэхіі. Можна канстатаваць, што цікаўнасць да такіх сустрэч не змяншаецца, і мы рады, што атрымліваем шмат станоўчых водгукаў.

Аднак колькасць удзельнікаў — не адзінае адрозненне мерапрыемства ў новым фармаце ад звыклых Дзён кар'еры. Акрамя дыялогу з патэнцыйнымі работадаўцамі, наведвальнікі маглі паслухаць майстар-класы на самыя розныя тэмы: ад правіл складання рэзюмэ да тэндэнцый беларускага рынку працы і прафесій, якія стануць запатрабаванымі ў недалёкай будучыні. Акрамя таго, у праграме Рэспубліканскага кар'ернага форуму былі так званыя «спід-дэйцінгі» (кароткія размовы з работадаўцамі), лабараторыя дызайн-мыслення, дзе кожны ахвотны мог паспрабаваць сябе ў распрацоўцы інавацыйных рашэнняў для вядомых кампаній, а таксама панэльная дыскусія, падчас якой абмяркоўваліся шляхі скарачэння адлегласці паміж акадэмічнай адукацыяй і патрэбамі бізнесу.

— Я вырашыў наведаць гэты форум, бо спадзяюся знайсці сабе месца працы, дзе змагу прымяніць атрыманыя на вучобе навыкі, — расказаў студэнт другога курса геаграфічнага факультэта БДУ Арцём ПАБЯРЭЖНІ. — Таксама хачу зразумець, якіх ведаў не хапае, каб быць запатрабаваным спецыялістам. Мяне найбольш цікавіць прымяненне геаінфармацыйных сістэм у прамысловасці. Гэта сфера, якая знаходзіцца на перасячэнні геаграфіі і інфарматыкі. Напрыклад, складанне інтэрактыўных картаў ці нешта падобнае.

— Прыехала сюды, бо цяпер знаходжуся ў пошуку варыянтаў для будучага размеркавання, — падзялілася студэнтка чацвёртага курса Полацкага дзяржаўнага ўніверсітэта Кацярына МАЁРАВА. — Шчыра кажучы, непасрэдна па маёй сферы — нафтахімічнай прамысловасці — варыянтаў тут няшмат. Найбольш стэндаў кампаній, звязаных з інфармацыйнымі тэхналогіямі. Але я не засмучаюся, бо паралельна праходзяць майстар-класы і гутаркі, а гэта таксама вельмі карысны досвед, які мне абавязкова спатрэбіцца.

Яраслаў ЛЫСКАВЕЦ

lyskavets@zvіazda.by

Фота Сяргея НІКАНОВІЧА

Загаловак у газеце: Зачын на будучыню

Дадаць каментар

Выбар рэдакцыі

Культура

Як у Ракаве святкуюць Купалле

Як у Ракаве святкуюць Купалле

У аграгарадку Ракаў Валожынскага раёна ў ноч з 24 на 25 чэрвеня шырока адзначалася фальклорнае свята з нагоды летняга сонцастаяння, якое ў народзе называюць Купаллем.

Грамадства

Настаўнік на пенсіі «знайшоў сябе» ў краме моднага адзення

Настаўнік на пенсіі «знайшоў сябе» ў краме моднага адзення

«Суседка думае, што я нейкі дзівак, бо заўсёды ўсміхаюся».

Грамадства

Як адбіраюць нацыянальную каманду на конкурс ваеннага майстэрства

Як адбіраюць нацыянальную каманду на конкурс ваеннага майстэрства

Вайскоўцы-кантрактнікі змагаюцца за права прадставіць нашу краіну на «Воіне Садружнасці — 2017».

Грамадства

З чым звязана няўпэўненасць педагогаў у заўтрашнім дні?

З чым звязана няўпэўненасць педагогаў у заўтрашнім дні?

У канцы жніўня ў краіне адбудзецца Рэспубліканскі педагагічны савет.