Вы тут

Фестываль навукі пройдзе ў Мінску з 7 па 10 снежня


Праграма мерапрыемства, старт якому будзе дадзены ў Нацыянальнай акадэміі навук, уключае лекцыі і майстар-класы, навукова-папулярныя ток-шоу «Разбяром на атамы: як кацяняты захапілі свет?», «Навука. Смачна: шакаладнае жыццё», прафарыентацыйныя квэсты, турніры па інтэлектуальных гульнях «Што? Дзе? Калі?» і «Матрыца», навукова-папулярнае шоу «Іронія навукі або звычайнае чарадзейства» і іншыя.


Расійскія і беларускія навукоўцы прачытаюць лекцыі, прысвечаныя перадавым навуковым даследаванням, у тым ліку ў галіне атамнай энергетыкі, раскажуць пра медыцыну будучыні і нейратэхналогіі, пра парадоксы тэорыі верагоднасці і этнаастраномію, палеанталогію і звышправаднікі.

Прафарыентацыйны квэст і экскурсія ў Парк высокіх тэхналогій дапамогуць школьнікам вызначыцца з будучай прафесіяй, а разбор «Зорных войнаў» пакажа, як могуць спатрэбіцца ў жыцці веданне вышэйшай матэматыкі і касмалогіі. Школьнікі змогуць наведаць майстар-класы ў музеі навукі «Элемента», разабрацца, якія крыніцы энергіі найбольш перспектыўныя і эканамічна выгадныя, даведаюцца пра «плюсы» і «мінусы» атрымання энергіі з дапамогай ветру, сонца і геатэрмальных крыніц, ядзерную энергетыку, фальклор у інтэрнэце, прыкладную гарадскую антрапалогію.

Усе мерапрыемствы праводзяіцца пры падтрымцы Міністэрства адукацыі і расійскай Дзяржаўнай карпарацыі па атамнай энергіі «Расатам». Непасрэднымі арганізатарамі фестывалю выступілі спецыялісты Рэспубліканскага цэнтра інавацыйнай і тэхнічнай творчасці і Інфармацыйнага цэнтра атамнай галіны.

Надзея НІКАЛАЕВА

nіkalaeva@zvіazda.by

Загаловак у газеце: Звычайнае чарадзейства... навукі

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.