А да пятніцы абавязковымі атрыбутамі для выхаду на вуліцу стануць куртка і парасон. Атмасферныя франты будуць прыносіць з паўночнага захаду халаднаватае даждлівае надвор'е. Пра гэта паведамілі ў Белгідраметцэнтры.
Сёння на большай частцы тэрыторыі пройдуць кароткачасовыя дажджы. Слупкі тэрмометраў пакажуць у разгар дня ўсяго 14-19 градусаў цяпла, і толькі па поўдні чакаецца да плюс 22.
У сераду і чацвер удзень пацяплее прыкладна на 1-2 градусы. А вось ночы чакаюцца ўжо халаднаватыя — усяго ад 6 да 13 цяпла. Кароткачасовыя дажджы прагназуюцца па-ранейшаму на большай частцы краіны.
Па папярэдніх разліках, з пятніцы ў Беларусь вернецца лета. Атмасферны ціск падрасце, а дажджоў стане прыкметна менш. Услед за гэтым пацяплее і ўдзень: сіноптыкі прагназуюць ад плюс 20 па поўначы да плюс 29 на поўдні. На выхадных слупок тэрмометра ў Брэсцкай і Гомельскай абласцях пяройдзе 30-градусную адзнаку.
Валяр'ян ШКЛЕННІК
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
