Маладая сям'я святкавала першы дзень нараджэння свайго дзіцяці. Запрасілі родных і сяброў. А скончылася мерапрыемства крадзяжом дарагога мабільнага тэлефона...
— Гаспадар кватэры прылёг адпачыць, паклаўшы яго побач з сабой. 22-гадовая госця, калі сыходзіла, вырашыла зрабіць гэта не з пустымі рукамі і прыхапіла тэлефон, — паведаміла прэс-афіцэр Першамайскага РУУС г. Мінска Вольга КУЦЬКО. — Наступным днём дзяўчына здала яго ў ламбард за 100 дэнамінаваных рублёў. Грошы зламысніца пусціла на асабістыя патрэбы. Прапажу тэлефона, які быў набыты ў крэдыт, уладальнік заўважыў толькі ранкам і адразу ж звярнуўся ў міліцыю. Сума ўрону склала 480 рублёў «новымі». Праваахоўнікі ўстанавілі месцазнаходжанне зладзюжкі. Зламысніцай — сяброўкай гаспадыні дома — была маладая мама, якая знаходзіцца ў водпуску па доглядзе дзіцяці. Яна адразу ж прызнала віну. Заведзена крымінальная справа за крадзеж. Мабільны тэлефон супрацоўнікі міліцыі канфіскавалі з ламбарда і вярнулі законнаму ўладальніку.
Сяргей РАСОЛЬКА
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.