Аўтобус з пасажырамі з’ехаў у кювет на трасе М7

Аўтобус з’ехаў у кювет на 68-м км аўтадарогі М7 Мінск — Ашмяны — мяжа Літвы, два пасажыры пацярпелі, паведамляе БелТА.

Паведамляецца, што прыкладна ў 3:30 кіроўца аўтобуса 1988 года нараджэння, рухаючыся маршрутам Вільня — Мінск у кірунку Мінска заснуў за рулём. У выніку ён не справіўся з кіраваннем і з’ехаў у кювет. У аўтобусе знаходзіліся 45 чалавек, пацярпелі мужчына і жанчына.

Па факце здарэння вядзецца праверка.

Фота УУС Мінаблвыканкама