Вы тут

У якім горадзе пройдзе «Еўрабачанне-2017»?


Харкаў, Адэса, Львоў, Херсон, Днепр і, безумоўна, Кіеў. У тэлепраекце «Бітва гарадоў», што стартаваў 20 ліпеня ў прамым эфіры ўкраінскага тэлебачання, усе яны прадэманстравалі журналістам, музычным экспертам і шматлікім фанатам «Еўрабачання» гарачую гатоўнасць да прыёму налета прэстыжнага міжнароднага конкурсу.


У сталіцы, заўважым, ёсць фора: Кіеў ужо быў гаспадаром «Еўрабачання» ў 2005 годзе, а таксама прымаў аналагічныя дзіцячыя конкурсы 2009 і 2013 гадоў. Астатнія прэтэндэнты кампенсавалі нявопытнасць у гэтым пытанні вялізным імпэтам. У фінал адбору прайшлі толькі два з шасці кандыдатаў. Які з іх аказаўся найбольш пераканаўчым, неўзабаве стане вядома — ужо 1 жніўня арганізатары конкурсу (Еўрапейскі вяшчальны саюз) агучаць канчатковае рашэнне наконт таго, дзе адбудзецца шоу.

Пасля выбару месца правядзення «Еўрабачання-2017» будзе больш пэўна акрэслены і яго бюджэт, які на гэты момант ацэньваецца прыкладна ў 14-15 мільёнаў еўра. Акрамя таго, украінскі бок прапанаваў змяніць папярэдне намечаныя даты «Еўрабачання» і правесці яго з 9 па 13 мая 2017 года з тым, каб конкурс не закранаў 18 мая — дзень памяці ахвяр крымска-татарскага генацыду. У такім выпадку забаўляльнае шоу прыпадае на іншую знакавую дату, 9 мая; праўда, гэта ўжо здаралася некалькі разоў за гісторыю конкурсу. Зрэшты, і тут апошняе слова мусіць сказаць Еўрапейскі вяшчальны саюз, які абяцае ўлічыць усе арганізацыйныя нюансы.

Вікторыя ЦЕЛЯШУК

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.