Вы тут

Кіроўца, які ўцякаў ад пагоні, выкідваў скрыні з гарэлкай


У Смалявіцкім раёне кіроўца, уцякаючы ад пагоні, выкідаў з машыны скрыні з гарэлкай.


Супрацоўнікі ДАІ спынілі пазадарожнік. Падчас размовы з міліцыянерамі кіроўца раптоўна заблакіраваў дзверы аўтамабіля і пачаў уцякаць, з'ехаўшы з асфальтаванай трасы. Пасля папярэджанняў быў адкрыты агонь па колах, аднак працягнуць пераследаванне па бездарожжы не ўдалося. Работнікі міліцыі пешшу прайшлі па слядах джыпа некалькі кіламетраў, пасля чаго знайшлі кінуты гаспадаром аўтамабіль.

Але самае цікавае знайшлі на шляху ўцекача — раскіданыя каробкі з гарэлкай расійскіх і ўкраінскіх брэндаў (магчыма, падробленых). Усяго было выяўлена 15 упаковак па 20 бутэлек у кожнай. Яшчэ сем каробак знаходзілася ў салоне кінутага джыпа.

Як расказаў начальнік аддзела агітацыі і прапаганды УДАІ УУС Мінаблвыканкама Алег ЦЮРЫН, у хуткім часе кіроўцу адшукалі і даставілі ў Смалявіцкі РАУС. Парушальнікам аказаўся мясцовы жыхар 1987 года нараджэння. Аўтамабіль быў адвезены на штрафпляцоўку. Знойдзеная гарэлка адпраўлена на экспертызу для выяўлення яе сапраўднага паходжання і хімічнага саставу. Па ўсіх фактах здарэння праводзяцца праверкі.

lyskavets@zvіazda.by

Загаловак у газеце: Скінуў саракаградусны баласт

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.