Робататэхнікі з Масачусецкага тэхналагічнага інстытута ствараюць робата HERMES. Гуманоідная машына рэфлекторна кіруецца чалавекам, апранутым у спецыяльны экзашкілет.
Падобную сістэму кіравання, толькі больш маштабную, вы маглі бачыць, напрыклад, у фантастычным фільме «Ціхаакіянскі рубеж». За выключэннем, мабыць, таго, што тут чалавек не сядзіць унутры робата. Ды і не для таго ў рэальнасці вядуцца падобныя распрацоўкі. Асноўнай задачай падобных робатаў у будучыні будуць выратавальныя аперацыі.
Жоаа Рамас, адзін са стваральнікаў робата, апісвае гэты праект як «спробу ўкаранення чалавечага мозгу ў робата». HERMES мае дзве нагі і дзве рукі, на кожнай з якіх па тры пальцы. Дзякуючы рэфлекторнаму кіраванню робат здольны не толькі разбураць, скажам, гіпсакардонныя сценкі, але і далікатна наліваць вам каву. Аднак галоўная інавацыя ў гэтым робаце не яго рукі, галоўнае тут — сэнсары. Каб рухі робата больш нагадвалі чалавечыя, яго сэнсары падаюць сігналы зваротнай аддачы ў экзашкілет чалавека, які ім кіруе і той можа карэкціраваць яго рухі, як гэта б зрабіў любы іншы чалавек у той ці іншай сітуацыі.
Дзякуючы такому «запазычанню» рэфлексаў робат здольны вучыцца. Кіраванне рукамі робата адбываецца дзякуючы двум убудаваным у экзашкілет кантролерам. Альберт Ванг, яшчэ адзін спецыяліст, які працуе з HERMES, кажа, што наступная версія робата будзе кіравацца чалавечымі думкамі.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
