Паводле тыбецкай філасофіі, зімой чалавек схільны да ляноты і апатыі, арганізм становіцца больш уразлівым да вострых рэспіраторных вірусных інфекцый, захворванняў суставаў, назапашвання тлушчу. Каб прадухіліць непрыемнасці, трэба адрэдактаваць харчовы рацыён.
Пачніце ўжываць больш цёплых лёгкіх страў з вострым, горкім смакам, зменшыце ўжыванне салодкага, кіслага і салёнага.
У аснове меню — вараная і запечаная гародніна. Брокалі, кабачкі, грыбы, цукіні, кальрабі, брусельская капуста, спаржа, шпінат, морква, гарбуз, радыска, рэдзька, рэпа, корань сельдэрэю. Каб узмацніць сагравальныя вартасці страў і палепшыць страваванне, дабаўляйце цыбулю і часнок.
Белакачанная капуста і бульба «ахалоджваюць» страўнік, а таму іх трэба абмежаваць. Яны падыходзяць людзям з моцным страваваннем і толькі ў цёплы час года.
Мяса для зімніх страў таксама павінна валодаць «гарачымі» ўласцівасцямі. Таму лепш ужываць курыцу, бараніну, дзічыну, а свініну і ялавічыну абмяжоўваць.
Смела ешце морапрадукты.
Усё салодкае, за выключэннем мёду, не спрыяе зімоваму «настрою». Так што торты і пячэнне лепей замяніць сухафруктамі. Яны асабліва карысныя ў вараным ці замочаным выглядзе. Свежую садавіну трэба абмяжоўваць, выбіраць пры гэтым як мага больш салодкую.
Трымайце пад рукой для сваіх страў «сагравальныя» спецыі: кумін (зіру), кардамон, імбір, гваздзіку, чорны перац, шафран, мускатны арэх, кмен, карыцу, кроп. Яны неабходныя для лепшага засваення мяса і бабовых. Ужываць гэтыя прадукты лепш за ўсё на абед, з 12 да 16 гадзін, калі стрававальны «агонь» самы моцны.
Піце цёплыя напоі. Нават вада павінна быць вельмі цёплай.
Прыгатуйце імбірны адвар. Нарэжце корань імбіру саломкай, дабаўце карыцу, кардамон і гатуйце на малым агні 10 хвілін. Сцадзіце, пакладзіце мёд і лімон.
Можна і проста жаваць кавалачак імбіру пасля кожнага ўжывання ежы, запіваючы невялікай колькасцю цёплай вады.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
