Новы зернеўборачны камбайн «Палессе GS16», які зараз дапрацоўваецца на РУП ВА «Гомсельмаш», павінен замяніць імпартныя аналагі. Як расказалі на прадпрыемстве, адноўленая версія будзе падрыхтавана да лістапада, а першая вопытная партыя павінна выйсці на палеткі краіны да пачатку ўборачнай 2015 года.
Між іншым, праграма камбайнабудавання стымулявала творчую думку спецыялістаў многіх прадпрыемстваў Беларусі. У яе ажыццяўленне ўцягнуты многія айчынныя вытворцы, якія актыўна асвойваюць выраб прынцыпова новай прадукцыі. Напрыклад, ААТ «Гомельшкло» стала вырабляць панарамнае шкло для кабін збожжаўборачных гігантаў, а ААТ «Інтэграл» — бартавыя камп'ютары для сучасных камбайнаў. Задзейнічана і ААТ «Белшына», дзе распрацаваны і вырабляюцца спецыяльныя шырокапрофільныя шыны для магутнай сельскагаспадарчай тэхнікі. Пры гэтым асноўныя вузлы на «Гомсельмашы» вырабляюць самі, хоць пакуль што не абыходзіцца і без замежных камплектуючых. Магутныя рухавікі, якія патрабуюцца для машыны GS16, здольнай эфектыўна ўбіраць збожжа на палях з ураджайнасцю 70-100 ц/га, будуць набывацца ў надзейных сусветна вядомых вытворцаў.
«Палессе GS16» — магутны і прадукцыйны камбайн, які не павінен уступаць нямецкім і амерыканскім аналагам, але павінен мець больш прыцягальны для спажыўца кошт», — лічаць на прадпрыемстве. Дарэчы, аграрыі змогуць яго выкарыстоўваць не толькі для збожжавых каласавых культур, але і для ўборкі кукурузы, сланечніку, зернебабовых, крупяных культур і рапсу — з ужываннем спецыяльных прыстасаванняў. Плануецца, што ААТ «Гомсельмаш» зможа выпускаць да паўсотні новых машын у год. Гэта ў перспектыве дазволіць цалкам адмовіцца ад закупкі дарагіх замежных аналагаў. Цяпер машына завяршае выпрабаванні.
Ірына АСТАШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.