У сталіцы за паўгода адкрылася больш за 700 кавярняў і рэстаранаў
Сёлета ўпершыню за апошнія больш чым дзесяць гадоў у Мінску з’явілася рэкордная колькасць кафэ і рэстаранаў, розных паводле фармату, кухні і культурнай прыналежнасці. У трэндах — навамодны фармат з Bubble Tea (чайны напой, які складаецца з гарбаты, малака ці фруктовага соку) і кітайскай кухняй. Такі попыт тлумачыцца ў тым ліку вялікай колькасцю гасцей і турыстаў з Кітая. Папулярныя і розныя кавярні, якіх у сталіцы шмат, але кожная імкнецца завабіць наведвальнікаў сваімі асаблівасцямі. Як правіла, усе ўстановы запатрабаваны, і на 10 тых, што толькі адкрыліся, прыпадае ўсяго адна, якая закрылася. Пры гэтым вольныя памяшканні, каб адкрыць кафэ, давядзецца пашукаць. Адкрыццё рэстарана звязана з яшчэ большымі цяжкасцямі, бо інвестыцыі тут складаюць ад 500 тысяч долараў да мільёна. Перавагу ў рэстаранным бізнесе сёння аддаюць адкрытым кухням, дзе наведвальнікі бачаць, як гатуецца іх ежа — а гэта ўжо не толькі новы трэнд, але і максімальна кароткі шлях устанавіць давер і заваяваць аўдыторыю.
Якія новыя зоны адпачынку адкрыліся ў сталіцы?
У Мінску па добрай традыцыі штогод адкрываюцца зоны адпачынку — да Дня Незалежнасці і да Дня горада ў кожным раёне сталіцы. Карэспандэнт «Звязды» далучылася да агляду гэтых лакацый, які зладзіла кіраўніцтва Мінгарвыканкама, і даведалася падрабязнасці.
Просты сакрэт поспеху ад хлебаробаў, за якім стаіць нялёгкая праца
Абмежаванні на наведванне лясоў дзейнічаюць у 30 раёнах Беларусі
Абмежаванні на наведванне лясоў дзейнічаюць у 30 раёнах Беларусі. Пра гэта сведчыць інтэрактыўная мапа Міністэрства лясной гаспадаркі, паведамляе БелТА.
Чаркашына пра «Хрустальную ружу»: калі турнір арганізаваны з душой, на яго хочацца вяртацца
У сталіцы адбылася цырымонія адкрыцця міжнародных спаборніцтваў па мастацкай гімнастыцы «Хрустальная ружа», паведамляе БелТА.
У Віцебску падмыла грунт, абрынуліся сем гаспадарчых пабудоў
У Віцебску паблізу вул.Садовай падмыла грунт, у выніку чаго абрынуліся сем гаспадарчых пабудоў. Паведамленне ратавальнікам паступіла сёння раніцай, праінфармавалі БелТА ў МНС.
Дзе знаходзіцца дом?
Паразважаць пра тое, што такое дом і як ён выглядае, дзе знаходзіцца і як яго можна знайсці, прапаноўвае выставачны праект «Дом» Валерыя Песіна ў галерэі «Арт-Фабрыка».
Лукашэнка павіншаваў калектыў Гродзенскага перынатальнага цэнтра з 80-годдзем установы
Прэзідэнт Беларусі Аляксандр Лукашэнка павіншаваў калектыў Гродзенскага абласнога клінічнага перынатальнага цэнтра з 80-годдзем з дня заснавання гэтай установы аховы здароўя. Пра гэта паведамілі ў прэс-службе беларускага лідара.
