Анонс.
Аб чым ёй хочацца сёння гаварыць з гледачом? Як удаецца столькі гадоў заставацца цікавай для публікі? Чаму адна з першых жанчын-рэжысёраў Беларусі лічыць сваю прафесію мужчынскай? Якім бачыць сваё жыццё па-за тэатрам? Напярэдадні юбілею пагаварылі з рэжысёрам Нацыянальнага акадэмічнага драматычнага тэатра імя М. Горкага Валянцінай Ераньковай пра мастацтва, жыццё і каханне.
У рубрыцы «Іх імёнамі названыя» «Алеся» працягвае расказваць пра мужных і адважных жанчын, якія змагаліся з фашызмам у час Вялікай Айчыннай вайны. Адна з такіх гераінь — журналістка і партызанка Лілія Карастаянава.
Яе імем названыя вуліцы ў Мінску, Гомелі, Чачэрску, у яе гонар устаноўлены помнікі, яе асоба натхніла да стварэння мастацкіх фільмаў. Дачка балгарскіх рэвалюцыянераў-камуністаў стала журналісткай у СССР. З лістапада 1942 года знаходзілася ў партызанскіх атрадах Беларусі. Пра тое, як Лілія Карастаянава апынулася ў партызанскім атрадзе, пра яе змаганне супраць фашызму і гібель вы даведаецеся з часопіса.
Вокладку дзясятага нумара «Работніцы і сялянкі» за 1974 год упрыгожыла фота лабаранткі цэнтральнай лабараторыі Гомельскага хімічнага завода імя 50-годдзя СССР камсамолкі Іны Пераслаўцавай. Праз паўстагоддзя побач з гэтым архіўным фота вы ўбачыце на старонках часопіса фота нашай сучасніцы. Вядучы навуковы супрацоўнік лабараторыі хіміі стэроідаў Аліна Саўчук працуе ў Інстытуце біяарганічнай хіміі НАН Беларусі ўжо больш за 15 гадоў і ўпэўнена: ёй вельмі пашанцавала. Яна даследуе, як змяняецца гарманальны фон раслін у адказ на тыя ці іншыя ўздзеянні. Кожны дзень Аліне Саўчук даводзіцца сутыкацца з чымсьці новым і нават рабіць адкрыцці. Навуковая праца дорыць сапраўдную радасць яшчэ і таму, што вынікі даследаванняў маладога вучонага прыносяць безумоўную карысць: спрыяюць развіццю сельскай гаспадаркі.
Прыклад пераможцы Рэспубліканскага конкурсу прафесійнага майстэрства педагагічных работнікаў «Настаўнік года Рэспублікі Беларусь» у намінацыі «Пачатак пачаткаў», настаўніцы пачатковых класаў СШ № 67 Мінска Вікторыі Паляводы пераконвае, як важна знайсці ў жыцці сваё прызванне, рабіць тое, што любіш. Кожны дзень яна з радасцю спяшаецца да сваіх вучняў.
— Адзнакі — гэта, вядома, важна. Але іх нельга абсалютызаваць, — лічыць маладая настаўніца. — Самую галоўную сваю задачу я бачу ў тым, каб выхаваць з хлопчыкаў і дзяўчынак добрых, прыстойных, неабыякавых людзей, навучыць іх сябраваць, падтрымліваць адно аднаго.
У многіх з гэтых жанчын выдалены органы рэпрадуктыўнай сістэмы. Але гэта не пазбавіла іх жаноцкасці і жыццялюбства. Сваю місію яны бачаць у тым, каб уласным прыкладам даказваць: анкалогія — не прысуд, з ёй можна і трэба жыць: прагна, прыгожа, насычана. Як ім гэта ўдаецца? Дзе яны чэрпаюць сілы і мужнасць для пераадолення выпрабаванняў? Хто і што дапамагае ім не здавацца? Пра гэта вы даведаецеся з непрыдуманых гісторый нашых цудоўных гераінь, якія стварылі суполку «Рэ. місія», каб падтрымліваць жанчын, што прайшлі праз выпрабаванне анкалогіяй.
Гутарка са старшым выкладчыкам кафедры псіхалогіі адукацыі і развіцця асобы Інстытута псіхалогіі БДПУ ім. М. Танка Валянцінай Саладуха дапаможа лепш зразумець, хто такія перфекцыяністы, чаму не варта браць з іх прыклад і як пазбавіцца ад такой псіхалагічнай асаблівасці, калі яна ў вас таксама ёсць.
Пра тое, чым пагражае сустрэча з гэтым насякомым, як пазбегнуць яго ўкусу і што рабіць, калі клешч усё ж прысмактаўся, расказала ўрач-эпідэміёлаг Мінскага абласнога цэнтра гігіены, эпідэміялогіі і грамадскага здароўя Вольга Ліцкевіч.
У перыяд пасля 50 гадоў знешнасць жанчыны мяняецца. І, на жаль, часта не ў лепшы бок. Удалы гардэроб здольны падкарэктаваць вобраз. Ад якіх рэчаў варта адмовіцца, а якімі папоўніць гардэроб, каб выглядаць маладзей? Чытайце парады нашага пастаяннага эксперта — дызайнера, магістра мастацтвазнаўства, старшага выкладчыка кафедры дызайну моды факультэта сацыякультурных камунікацый БДУ Марыны Машэда.
З красавіцкага нумара вы таксама даведаецеся пра 7 сакрэтаў «дарагога голасу» ад тэлевядучай Кацярыны Цішкевіч, аб тым, які манікюр зараз у модзе, і здзейсніце кулінарнае падарожжа ў Кітай.
Бонус для чытачоў «Алесі» — жаночая гісторыя «Першае ўражанне» ад Валянціны Быстрымовіч.
Вольга ПАКЛОНСКАЯ
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
