Пытанні жыллёвай і дарожнай гаспадаркі пераважалі на прыёме грамадзян, які правёў старшыня Гомельскага аблвыканкама Іван Крупко ў абласным цэнтры, перадае БелТА.
Усяго на прыёме агучылі пытанні прадстаўнікі трох раёнаў вобласці.
Жыхары рабочага пасёлка Бальшавік з Гомельскага раёна абазначылі агульную для іх праблему з якасцю пітной вады.
У райвыканкаме растлумачылі, што ў 2022 годзе была пабудавана станцыя абезжалезвання, якасць вады на належным узроўні. Аднак ёсць пытанне па стане вадаправода, узведзенага ў свой час торфабрыкетным заводам. Цяпер сеткі на шматлікіх участках патрабуюць замены. Акрамя таго, тупіковая схема не забяспечвае цыркуляцыю вады. Перыядычна спецыялісты праводзяць гідрапрамыванне, сітуацыя на час нармалізуецца.
У пасёлку жывуць больш за 2,7 тыс. чалавек. «Гэта фактычна палова райцэнтра. Трэба займацца пытаннем. Вада — адна з асноўных пазіцый для развіцця пасёлка», — падкрэсліў губернатар.
Сітуацыя будзе дадаткова вывучана, прадуманы план работ з падзелам усяго аб’ёму на этапы. Да сярэдзіны траўня будзе праведзена дэталёвая, комплексная ацэнка вадаправоднай сістэмы з яе лічбавай. Праграма павінна быць прадугледжана не больш як на два гады, арыентаваў старшыня аблвыканкама.
Яшчэ адна тэма ў гэтым населеным пункце — перабоі ў рабоце кацельні. Мінулай зімой былі выпадкі яе прыпынку. У галоўным упраўленні ЖКГ аблвыканкама растлумачылі, што аварыйныя сітуацыі былі аператыўна ліквідаваны. Падтрымліваецца функцыянаванне кацельні, плануецца рамонт катлоў. Пры неабходнасці будзе задзейнічана ў якасці рэзервовай мабільная кацельня.
«Вазьму гэтае пытанне на кантроль. Дадаткова будзе паведамлена аб планах па пераабсталяванні аб’екта», — акцэнтаваў Іван Крупко.
Таксама жыхары гэтага пасёлка ўсхваляваныя лёсам старога будынка (1957 года пабудовы) торфазаводскай школы. Па дадзеных адмыслоўцаў, даху няма, фактычна і канструкцыі не падлягаюць узнаўленню. Будынак быў выведзены з эксплуатацыі ў 2007 годзе, у 2011-м — прададзены, аднак з уласнікам — прадпрымальнікам — няма сувязі.
Райвыканкам гатовы прыняць будынак на баланс для наступнага зносу. Плануецца зрабіць работы да 1 ліпеня.
Заяўнікі прасілі таксама ўладкаваць на месцы, якое вызвалілася, спартовую пляцоўку для дзяцей. Профільныя службы дадаткова прапрацуюць гэтую тэму. «Будзем вельмі спадзявацца на вырашэнне пытання на нашу карысць, на карысць дзяцей», — заключыла жыхарка рабочага пасёлка Тамара Іванаўна.
З аграгарадка Кастрычнік Буда-Кашалёўскага раёна прыехаў на прыём Ігар Вячаслававіч. Вясковец прасіў уладкаваць абочыны для пешаходаў па вуліцы Школьнай аграгарадка, а таксама падоўжыць дарогу да суседняга пасёлка Міхалёўка.
Вывучыўшы прадстаўленыя матэрыялы, губернатар абазначыў напрамкі для прапрацоўкі.
Тое ж самае тычыцца і пытанняў, якія былі ўзняты прадстаўнікамі Ельскага раёна.
Па зваротах дадзены даручэнні адказным службам, абазначаны кантрольныя тэрміны іх выканання.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.