У раёнах Мінскай вобласці пасеяна больш за 70% яравых збожжавых культур. Пра гэта паведамляе БелТА са спасылкай на Камітэт па сельскай гаспадарцы і харчаванні аблвыканкама.
«Сяўба яравых культур падыходзіць да завяршэння, а ў асобных раёнах гэты від работ выкананы ў поўным аб’ёме. Яравыя пасеяны ў Капыльскім, Слуцкім, Салігорскім, Старадарожскім, Валожынскім раёнах. У цяперашні час актыўна ўносім арганіку — ўнесена больш за 60% ад плана, на палі вывезена каля 7 млн тон арганічных угнаенняў», — распавёў намеснік старшыні камітэта Сяргей Прымачэнка.
У гаспадарках ідзе паўторная падкормка азімых збожжавых культур і рапсу. «Падкормлена больш за 50% плошчаў. У бліжэйшыя дні плануем прыступіць да сяўбы цукровых буракоў і кукурузы. Для гэтага ідзе выбарка насення кукурузы з калібровачных заводаў, а таксама падрыхтоўка глебы пад цукровыя буракі», — адзначыў Сяргей Прымачэнка.
Летась зафіксавана зніжэнне колькасці выпадкаў гібелі на вытворчасці.
Карэспандэнты «Звязды» пабачылі, як праходзяць рэпетыцыі.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
