Вікторыя АзаранкаБеларуская тэнісістка Вікторыя Азаранка не змагла прабіцца ў фінал турніру катэгорыі WTA-1000 у амерыканскім Маямі з прызавым фондам $8,7 млн, паведамляе БелТА.
У паўфінальным паядынку Азаранка, якая займае зараз 32-е месца ў сусветным рэйтынгу, у барацьбе ўступіла чацвёртай ракетцы планеты Алене Рыбакінай з Казахстана — 4:6, 6:0, 6:7 (2:7). Сустрэча працягвалася 2 гадзіны 33 хвіліны. У вырашальным паядынку саперніцай Рыбакінай будзе амерыканка Даніэль Колінз (53-і нумар рэйтынгу WTA).
На шляху да паўфіналу Вікторыя Азаранка па чарзе абгуляла амерыканку Пейтан Сцірнс (67) — 7:5, 3:6, 6:4, сёмую ракетку свету кітаянку Сіньвэнь Жон — 6:4, 7:5, брытанку Кэці Бултар (30) — 7 :5, 6:1 і прадстаўніцу Казахстана Юлію Пуцінцаву (68) — 7:6 (7:4), 1:6, 6:3. У мінулыя гады Азаранка тройчы станавілася пераможцай гэтых спаборніцтваў (2009, 2011, 2016).
У паўфінале мужчынскага адзіночнага разраду італьянец Янік Сінер (3) згуляе з расіянінам Даніілам Мядзведзевым (2), а балгарскі тэнісіст Рыгор Дзімітраў (12) сустрэнецца з прадстаўніком Германіі Аляксандрам Зверавым (5).
Турнір на адкрытых кортах Маямі фінішуе 31 сакавіка.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.