У парламенце павінны працаваць прафесіяналы сваёй справы, адданыя народу і краіне. Такую думку выказала журналістам старшыня Савета Рэспублікі Нацыянальнага сходу Наталля Качанава, якая 25 лютага прыняла ўдзел у выбарах дэпутатаў на ўчастку для галасавання ў Палацы мастацкай гімнастыкі ў Мінску, перадае БелТА.
«Праца ў парламенце сапраўды няпростая. Гэта не толькі адказнасць за законапраекты, гэта і работа з людзьмі, сустрэчы ў калектывах — усё тое, чым жыве наша краіна. Думаю, у кожнага кандыдата гэта свядомы выбар з разуменнем адказнасці і той складанай работы, якой трэба будзе займацца», — сказала Наталля Качанава.
Яна таксама выказала меркаванне аб тым, якія людзі павінны працаваць у парламенце. «Гэта павінны быць прафесіяналы сваёй справы, людзі, якія адданы свайму народу, сваёй краіне. Вельмі хочацца, каб выбаршчыкі зрабілі абсалютна правільны выбар, таму што гэта будучыня Беларусі», — адзначыла старшыня Савета Рэспублікі.
«Жадаю тым, хто прыйдзе працаваць у новым парламенце, плённай працы ў імя нашай краіны і нашага народа», — дадала Наталля Качанава.
Прэв’ю: БелТА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
