Некаторы час назад спыніў сваё існаванне літаратурна-мастацкі часопіс сатыры і гумару «Вожык». Аўтары, якія працавалі ў жанрах эпіграмы, фельетона, байкі, адразу адчулі сябе няўтульна. З сёлетняга студзеня з рэгулярнай перыядычнасцю дадатак «Вожык» — на 12-й і 13-й газетных палосках — будзе выходзіць у газеце творчай інтэлігенцыі «Літаратура і мастацтва».
Студзеньскі, за 2023 год, выпуск прыпаў на 26 студзеня. Анатоль Зэкаў выступае з вялікай падборкай эпіграм. Андрэй Сідарэйка — з фельетонам «Пакуты пісьменніка Пятрова». Раіса Дзейкун знаёміць чытача з гумарыстычнымі назіраннямі, якія аб’яднаны ў падборку «Базар віруе, базар жартуе...»
На старонках «лімаўскага» «Вожыка» — і маленькая сатырычная мініяцюра Іны Фраловай «Першы снег», і гумарэска Міколы Леўчанкі «З папраўкаю на сонца». А Аляксандр Быкаў прапанаваў падборку пародый: яго «падвопытнымі» сталі Таццяна Дашкевіч, Алесь Хітрун і Віктар Шніп з іх вершамі.
Ілюстратарам «Вожыка» на старонках газеты выступіў вядомы ў нашай краіне карыкатурыст і графік Алег Карповіч.
Словам, цяпер у пісьменнікаў ёсць магчымасць павастрыць сваё крытычнае пяро. І ў дачыненні твораў калег-літаратараў, і па адрасе розных заганных з’яў нашай рэчаіснасці.
Сяргей Шычко
Прэв’ю: belkiosk.by
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
