Як пазбавіцца ад мошак у вазонах

Пакаёвыя расліны робяць дом утульным і гарманічным. Дасведчаныя кветкаводы ведаюць, што асноўную небяспеку для раслін уяўляюць шкоднікі. Што рабіць, калі завяліся дробныя мошкі ў пакаёвых кветках, і як ад іх пазбавіцца.

Шкоднікі не загінуць самі. Гэта можа здарыцца з парай-тройкай асобін, але астатнія працягнуць размнажацца. І ўжо праз некалькі дзён з’явіцца другое пакаленне. Пры бяздзейнасці, праз некалькі тыдняў паразіты знішчаць вашу любімую кветку.

Лічынкі насякомых наносяць найбольшую шкоду. Яны не бачныя чалавечаму воку. Жывуць лічынкі ў кветкавым грунце. Іх асноўная крыніца харчавання — каранёвая сістэма расліны.

Прычыны

Галоўная прычына з’яўлення якіх-небудзь мошак у кветкавых вазонах — празмернасць вільгаці. Такія ўмовы для гэтага віду шкоднікаў найбольш спрыяльныя.

Іншыя прычыны з’яўлення мошак:

• Няякасны грунт. Пры замене ці даданні зямлі варта ўлічваць, якая зямля і адкуль яна. Дрэнны грунт — сур’ёзныя праблемы.
• Арганічныя прымешкі. Іх прысутнасць з’яўляецца фактарам для з’яўлення мошак у вазонах пакаёвых раслін.
• Мошкі, якія трапілі ў памяшканне выпадковым чынам. Адкрытае акно або дзверы паспрыяюць пападанню насякомых у ваш дом, і яны могуць пасяліцца ў вашых раслінах.

Якія мошкі могуць пасяліцца на пакаёвых раслінах

Разнавіднасцяў шкоднікаў налічваецца больш за 2000. Але некаторыя з іх уяўляюць асаблівую небяспеку.

Белыя шкоднікі

Белакрылкі (Алейрадыды). Характарызуюцца белым колерам крылаў і цела. Знешне нагадваюць тлю, толькі ў паменшаным памеры, які не перавышае 1,8 мм. Калі ў хатняй кветцы завяліся белыя мошкі, то знайсці іх можна на адваротным баку лісточкаў.

Таксама іх называюць шчытоўкамі. Яны найбольш часта сустракаюцца на лісці бягоніі або фуксіі.

Чорныя мошкі

У народзе іх празвалі грыбнымі камарыкамі, навуковая назва — сцыярыды. Гэты від насякомых, пасяляючыся ў грунце, робіць яго вельмі цвёрдым, шчыльным. У выніку карані расліны недаатрымліваюць кісларод.

Па знешнім выглядзе сцыярыды падобныя на камароў. Даўжыня цела з крыламі не перавышае 2 мм. Любімымі раслінамі лічацца фікусавыя, альяс і азалія.

Земляныя блыхі

Яны не маюць крылаў, перамяшчаюцца скачкамі і, у цэлым, знешне вельмі падобныя на блыху. Іх цела пераважна белага колеру. Гэтыя шкоднікі любяць павышаную вільготнасць, таму селяцца ўнізе вазона, каля падстаўкі, а таксама ў верхнім найбольш увільготненым пласце глебы.

Дразафілы

Яны вельмі хутка размнажаюцца. Праз пару дзён парачка асобін можа ператварыцца ў цэлую калонію.

Памер дразафілы істотна больш раней апісаных «сабратаў» і складае ў сярэднім 3,5 мм. Пазнаць іх можна па характэрнай жаўтлява-карычневай афарбоўцы.

Што рабіць

Першае, што вы павінны прадпрыняць — знесці заражаную расліну далей ад астатніх.

Існуюць як спецыяльныя хімічныя інсектыцыды для знішчэння мошак, так і народныя рэцэпты.

Часночная настойка. Для яе прыгатавання спатрэбяцца: здробненыя чатыры сярэднія галоўкі часнаку, адзін літр кіпячонай вады. Атрыманай настойкай апрацоўваецца глеба, лістота расліны.

Раствор марганцоўкі. Пры гатаванні не перашчыруйце з колькасцю перманганату калію. Вада павінна быць крыху ружовай. Растворам апрацоўваецца грунт. Праз пару дзён пасля апрацоўкі трэба паўтарыць паліў.

Нашатырны спірт. 12-13 мл спірту разводзіцца ў адным літрам вады. Шчодра паліце расліны.

Настойка з падтынніку. 50 грам падтынніку заліваюцца 500 мл вады, раствор настойваецца. Настойкай апырскваюць лісце.

Драўняны попел. Прысыпце попелам зямлю ля кораня кветкі.

Раствор гаспадарчага мыла. Вазьміце невялікі кавалачак мыла (20-30 г), надзярыце яго на тарцы, заліце адным літрам вады, дайце растварыцца. Правядзіце апрацоўку зямлі і лістоты.

Бальзам «Зорачка». Багата намажце краі кашпо па ўсёй акружнасці.

Калі ніякі з народных сродкаў не дапамагае, самае правільнае рашэнне — выкарыстоўваць эфектыўныя хімічныя інсектыцыды. Такія прэпараты бываюць трох відаў. Вадкія — прызначаны для палівання і апырсквання. Грануляваныя —. дадаюцца ў глебу. Аэразолі — распырскваюцца на лісце, грунт.

Ірына ТАМКОВІЧ